மற்றவள் - குறும்படம்

by தமிழ் Tue Aug 17, 2010 3:04 pm

எழுத்தாளர் திரு. எஸ். ராமகிருஷ்ணன் அவர்களின் கதையை திரு.லோகேஷ் அவர்கள் குறும்படமாக எடுத்திருக்கிறார். திரைக் கதையையும், வசனத்தையும் எஸ். ராமகிருஷ்ணன் அவர்களே எழுதியுள்ளார். 'மற்றவள்' ஒரு சிறுமியின் கதையைச் சொல்லும் குறும்படம்.

ஒரு வீட்டில் வேலை செய்துக்கொண்டிருக்கும் ஈசல் என்கிற மகேஸ்வரி, பல இடங்களில் அமர்ந்தும் பல இடையூறுகள் இருப்பதால் கடைசியா வீட்டில் கழிவறையில் எழுத ஆரம்பிக்கிறாள்.

ரெண்டு நாள் லீவு போட்டா லீவ் லெட்டர் கேப்பிங்க, இனிமேல் நான் வரமாட்டேன் அத சொல்றதுக்கு தான் டீச்சர் இந்த லெட்டர் எழுதிக் கொண்டே போகிறாள். இனிமேல் பள்ளிக்கு வர போவது இல்லை என்றும், தான் தினமும் பள்ளிக்கு லேட்டா வரதால முட்டி போடா வைக்கிறீர்களே தவிர என் லேட்டா வந்தேன்னு கேட்ட மார்க்கின்றீர்களே என் டீச்சர் என்றும், மீன் வியாபாரம் செய்யும் என்னோட அம்மா, கடைசி மீனை வித்ததுக்கு அப்புறம்தான் வீட்டுக்கு வருவாங்க, அதுக்கு அப்புறமா நான் ஸ்கூல்-க்கு வர லேட் ஆயிடுது, எனக்குன்னு செருப்பு இல்ல, என் பாவடைக்கு கொக்கி இல்ல அதனால அவிழ்ந்து விட கூடாதுன்னு தினமும் நான் ஸ்கூல் க்கு பாவடைய பிடிச்சிக்கிட்டே நடப்பேன் என்று எனது வாழ்வில் வறுமை கோலங்களை எழுத்துக்களாக எழுதிக்கொண்டிருக்கிறாள். மேலும் தனக்கு ஒரு பணக்கார தோழி இருப்பதாகவும், அவளிடம் தினமும் எல்லா விசயங்களையும் பகிர்ந்துக்கொள்வதாகவும் எழுதுகிறாள். அவளை போல் என் நானும் இருந்தால் எப்படி இருக்கும் என்று எழுதிக்கொண்டிருக்கும் நேரத்தில், அவள் வீட்டுவேலை செய்யும் வீட்டில் தலைவி கழிவறையில் நுழைகிறாள், ஈசளைக் கண்டதும் அவள் கையில் இருக்கும் கடிதத்தை வாங்கி படித்தவுடன் அதனைக் கிழித்து விட்டு 'போய் உருபடர வழியைப் பாரு' என்று திட்டி விட்டுச் செல்கிறாள். கீழே கிடக்கும் அந்தக் காகிதத் துண்டுகளை அவளே சுத்தம் செய்துவிட்டு வீட்டை விட்டு வெளியேறுவதுடன் படம் முடிகின்றது. படம் பார்த்து முடிக்கும் பொழுது அனைவரின் விழிகளிலும் கசியும் நீரை தடுக்க யாராலும் முடியாது.

நண்பர்களே youtube இல் mattraval என்று தேடினால் இக்குறும்படத்தினைப் பெறலாம் . காணலாம்