காதலில்தான் நான் .. !

நியாஸ் அஷ்ரஃப் · 15/06/2010

தலையாட்ட வைக்கும்
வார்த்தைகளிலேயே
பழகிப்போனபின்
முழுதாய்
உடன்பட வைக்கிறது
ஒரு மௌனம்
முதல்முறை.. ஐ லவ் யூ

அன்னியத்திற்கும்
அன்னியோனியத்திற்கும்
மத்தியில்
சிக்கி சிக்கி தினம்
தப்பிப் பிழைப்பதாகிறது
தவிப்புகள்.. ஐ லவ் யூ

ஓரு நாளின்
சேமித்த
கண் சிமிட்டல்களுக்கும்
இதழ் சுளிப்புகளுக்கும்
காரணம் தேடியே
கரைகிறது
அன்றைய இரவு.. ஐ லவ் யூ

நீ புன்னகைத்ததும்
பேசியே தீரவேண்டுமென
யோசித்து வைத்த
ஒத்திகைகளைத் தாண்டி
பதறியடித்தோடிவருமொரு
பூகம்பம்
புறக்கணிக்க இயலாமல்
நானும்
புன்னகையோடு மட்டும்
இன்றுவரை.. ஐ லவ் யூ

கூலாங்கற்கள்
எழுப்பிய சுவர்கள்
நழுவும் என்
காதல் வார்த்தைகள்
மீண்டும் மீண்டும்
வார்த்தைகள் கோர்த்து
நான்.. ஐ லவ் யூ

கட்டியிட்ட ஊமையாய்
கையசைத்துக்கொண்டு
நிஜங்கள்..
நிறைகுடமாகின்றன
கண்கள்
உந்தன் நினைவுகளோடு
அப்போதுதான்
நிறைந்து போகிறது
நெஞ்சம்
முன்னெப்போதுமில்லாத
ஆனந்தத்தில்
ஆம்
உன்னால்
காதலில்தான் நான்.. ஐ லவ் யூ

**இளமாறன்** · **இளமாறன்** Sat 23 Jul 2011 - 16:09

நல்ல அழகான கவிதை வாழ்த்துக்கள் மகிழ்ச்சி

கட்டியிட்ட ஊமையாய்
கையசைத்துக்கொண்டு
நிஜங்கள்..
நிறைகுடமாகின்றன
கண்கள்
உந்தன் நினைவுகளோடு
அப்போதுதான்
நிறைந்து போகிறது
நெஞ்சம்
முன்னெப்போதுமில்லாத
ஆனந்தத்தில்
ஆம்
உன்னால்
காதலில்தான் நான்..