இதயக் கல்வெட்டின் சிதறிய துகள்கள் ( Pieces of Broken Heart )

by ranhasan Mon Aug 16, 2010 5:47 pm

செத்ததடி என் நெஞ்சம்
பித்தனாய் உன் பின்னே அழைந்ததும்,
மெத்த நறுமண சோலைக்குள்
முத்தக்காடாய் உன் கன்னம் ஆக்கியதும்,
எத்தனை முறை நினைந்திருப்பேன் !
அத்தனையும் பொய்யோடி ?
தத்தையுனக்குத் திருமணமாம் - உன்
அத்தையவள் உரைக்கக் கேட்டேன்.
மத்தை தயிரில் கிடைந்தது போல்
சித்தம் முழுதும் கலைந்ததடி - உடல்
இரத்தம் கணத்தில் உறைந்ததடி
இத்தனை பொழுதும் இசைந்த காதல்
நித்தமும் நிறைவாய் மிளிர்ந்த காதல்
தத்தனை மறந்து உயிர்த்திடுமோ ?
ஒத்த நினைவுகள் மறத்திடுமோ ?
கொத்து மலர்களை அடைந்த வண்டாய் - உல
கத்தை மறந்து லயித்த மனம் - மடிய
நைத்ததடி உன் மணநாள் செய்தி...
வைத்த விழி கலையாமல் உன்னழகை
ருசித்த தளிரிதயம் - இன்று குற்றூசி
தைத்த கொடுவலி யுணர்ந்ததடி
வித்தகியென்றே உனை வியந்துரைப்பேன் செல்லமாய்-இன்று
வித்தாகி விட்டாயோ நம்மின்னுறவை மற்றோனுக்கு ?
குத்தமுனையுரைக்க ஒப்பவில்லை மனம் - எனினும்
சுத்தக் குருதியில் தீச்சாறு கலந்தாற்போல் - இம்மையின்
மொத்த வினை வலியும் ஒருசேர்ந்தெனை கொல்லுதல் உணர்வாயோ ?

http://agangai.blogspot.com/

by **பிளேடு பக்கிரி** Mon Aug 16, 2010 5:49 pm

வலி மிகுந்த கவிதை இதயக் கல்வெட்டின் சிதறிய துகள்கள் ( Pieces of Broken Heart ) 677196

by megastar Mon Aug 16, 2010 6:01 pm

//இத்தனை பொழுதும் இசைந்த காதல்
நித்தமும் நிறைவாய் மிளிர்ந்த காதல்
தத்தனை மறந்து உயிர்த்திடுமோ // அருமையான கவிதை வரிக்கு வரி காதல் வலியினை உணர முடிகிறது. மகிழ்ச்சி

by ranhasan Fri Jul 22, 2011 4:03 pm

இன்னைக்கென்ன காதலர் தினம் மாதிரி இத்தனை காதல் கவிதைகள்..? எனக்கு ஒரு கவிதையும் வரமாட்டேங்குது... பழய பதிவ தூசி தட்டி போடுறேன்... தும்மல் வராம படிங்க...

by **உமா** Fri Jul 22, 2011 4:17 pm

காதல் தோல்வி கவிதையா...
இவ்வளவு கோர்வையாக எழுத்துக்களை ஒன்றாகி எழுதி இருக்கீங்க ஹாசன்,,
ரொம்ப நல்லா இருக்கு..எதி மேர்க்கோல் போட வேண்டும் என்றும் சொல்லவில்லை.,,, உண்மையாக தான் சொல்கிறேன்...