தீவிரவாதிகள் மிரட்டல் எதிரொலியால் சுதந்திர தின விழாவுக்கு பலத்த பாதுகாப்பு

by ரபீக் Sat Aug 14, 2010 10:45 am

இந்தியாவின் 64-வது சுதந்திர தினம் நாளை மறுநாள் (ஞாயிற்றுக்கிழமை) நாடெங்கும் கோலாகலமாக கொண்டாடப்பட உள்ளது. இதற்காக அணிவகுப்பு ஒத்திகைகள், பாதுகாப்பு ஏற்பாடுகள் முழு வீச்சில் நடந்து வருகின்றன.சுதந்திர தின விழா கொண்டாட்டத்தின் போது தீவிரவாதிகள் ஊருடுவி தற்கொலை தாக்குதலில் ஈடுபடக் கூடும் என்ற அச்சம் ஏற்பட்டுள்ளது.
இதையடுத்து முக்கிய நகரங்களில் இப்போதே பாதுகாப்பு ஏற்பாடுகள் பலப்படுத்தப்பட்டுள்ளன. ரெயில்களில் பார்சல்கள் அனுப்புவது முன் எச்சரிக்கையாக ரத்து செய்யப்பட்டுள்ளது.

சென்னையில் பாதுகாப்புப் பணியில் சுமார் 5 ஆயிரம் போலீசார் ஈடுபடுத்தப்பட்டுள்ளனர். ஐதராபாத்துக்கும் தீவிரவாதிகள் குறி வைத்திருப்பதால் அங்கு அதிரடிப்படை வீரர்கள் தயார் நிலையில் நிறுத்தப்பட்டுள்ளனர். தலைநகர் டெல்லியில் அதிக பட்சமாக சுமார் 8 ஆயிரம் போலீசார் பாதுகாப்புக்கு குவிக்கப்பட்டுள்ளனர்.

டெல்லி செங்கோட்டையில் 15-ந் தேதி பிரதமர் மன்மோகன்சிங் தேசியக் கொடி ஏற்றி வைத்து நாட்டு மக்களுக்கு உரையாற்றுவார். இதற்காக அவர்டெல்லி நகரின் மையப்பகுதியில் இருந்து செங்கோட்டைக்கு காரில் அணிவகுத்து அழைத்து செல்லப்படுவார். அந்த வழி நெடுக பாதுகாப்பு ஏற்பாடுகள் அதிகரிக்கப்பட்டுள்ளன.

அந்த வழியின் முக்கிய பகுதிகளில் 35 கண் காணிப்பு காமிராக்கள் பொருத்தப்பட்டுள்ளன. இது தவிர பிரதமர் பாதை முழுவதும் சுமார் 3 ஆயிரம் போலீசாரின் கண்காணிப்பில் வைக்கப்பட்டுள்ளது. செங்கோட்டையையும் பாதுகாப்புப் படையினர் முழுமையாக தங்கள் கட்டுப்பாட்டுக்குள் வைத்துள்ளனர்.

15-ந் தேதி சுதந்திர தின விழா நடக்கும் நேரத்தில் செங்கோட்டை பகுதி மீது விமானங்கள் பறக்கதடை விதிக்கப்பட்டுள்ளது. ஏதேனும் விமானங்கள் அத்து மீறி நுழைந்தால் சுட்டு வீழ்த்தவும் உத்தரவிடப்பட்டுள்ளது. சுதந்திர தின விழா நடக்கும் சமயத்தில் டெல்லி நகர் முழுவதும் ஹெலிகாப்டர்கள் தாழ்வாக பறந்து கண்காணிப்பு பணியில் ஈடுபடும்.

தகவல்களை விரைவாக பரிமாறிக் கொள்வதற்காக டெல்லி நகரின் பல்வேறு பகுதிகளில் 100 வேன்களில் காவல்துறை கட்டுப்பாட்டு அறைகள் இயங்கும். டெல்லி முழுக்க முக்கிய சந்திப்புகளில் விமான எதிர்ப்பு பீரங்கிகள் நிறுத்தப்பட்டுள்ளன. செங்கோட்டையில் பிரதமர், அமைச்சர்கள், முப்படை தலைவர்கள் மற்றும் முக்கிய பிரமுகர்கள் இருப்பார்கள் என்பதால் கமாண்டோ வீரர்கள் நிறுத்தப்படுவார்கள்.

டெல்லி நகருக்குள் நுழையும் அனைத்து வாக னங்களும் தீவிரமாக சோதிக்கப்படுகின்றன. சந்தேகப்படும் பகுதிகளில் உள்ள லாட்ஜுகளிலும் சோதனைகள் நடத்தப்பட்டு வருகின்றன. வெளி மாநிலத்தவர்கள் தீவிரமாக விசாரிக்கப்படுகிறார்கள்.

சுதந்திர தினவிழா நடக்கும் தினத்தன்று செங்கோட்டைக்கு வரும் பொதுமக்கள் செல்போன்கள் கொண்டு வர வேண்டாம் என்று அறி வுறுத்தப்பட்டுள்ளது. அது போல தண்ணீர் பாக்கெட், உணவு பொட்டலங்கள் கொண்டு வருவதையும் தவிர்க்க வேண்டும் என்று டெல்லி போலீசார் உத்தர விட்டுள்ளனர்
நன்றி :நியூ இந்திய நியூஸ்

by உதயசுதா Sat Aug 14, 2010 12:33 pm

அவனுங்களுக்கு தெரியும் சுதந்திர தினம் அன்னிக்கு பாதுகாப்பு பலமா இருக்கும்ன்னு. அதனாலா சாதாரண நாளில் வந்து நம் மக்களை சுட்டு தள்ளிட்டு போய்ட்டே இருப்பாங்க.
இவனுகளும் அவனுகளுக்கு பாதுகாப்பு கொடுத்து காப்பாத்திகிட்டு இருப்பானுங்க

by செந்தில் Sat Aug 14, 2010 12:49 pm

எல்லா வருஷமும் இவனுங்களுக்கு இதே வேலையா போச்சு தீவிரவாதிகள் மிரட்டல் எதிரொலியால் சுதந்திர தின விழாவுக்கு பலத்த பாதுகாப்பு 740322

by **பிளேடு பக்கிரி** Sat Aug 14, 2010 3:25 pm

செந்தில் wrote:எல்லா வருஷமும் இவனுங்களுக்கு இதே வேலையா போச்சு

தீவிரவாதிகள் மிரட்டல் எதிரொலியால் சுதந்திர தின விழாவுக்கு பலத்த பாதுகாப்பு 359383

by சரவணன் Sat Aug 14, 2010 8:28 pm

அதெல்லாம் ஒன்னும் பாதிப்பு வராது விடுங்க.
பாகிஸ்தான்ல மழை வெள்ளத்துல அவன் அவன் தத்தளிச்சிட்டு இருக்கான்...இப்போதைக்கு தாக்குதல் இல்லையாம். மழை விட்ட பிரகுதானாம். கவலை படாதிங்க.