குத்திக் காட்டியது - என் தமிழ்

**Aathira** · **Aathira** Fri 13 Aug 2010 - 21:21

குத்திக் காட்டியது - என் தமிழ்

தாத்தாவின் மூக்குக் கண்ணாடி

கை தவறி விழும் முன் சொன்னேன்

Sorry ' தாத்தா என்று!

தூங்கும் போது கழுத்து வரை

போர்த்தி விடும் கருணை - தூக்கத்திலும் சொல்வேன்

'Thanks ' ம்மா என்று…!

நாளை நண்பனின் பிறந்த நாள் - இன்றே

வாழ்த்து அட்டையில் எழுதினேன்

'HappyBirthday da' என்று …!

காலையில் நாளிதழ் படிக்கும் பொழுது எதிர் வீட்டுக்காரர்

அவர் சொல்லும் முன் முந்திக் கொள்வேன்

'Good Morning Uncle' என்று …!

கோயிலில் பத்தாம் வகுப்பு சிநேகிதி கணவனுடன்

அவள் பேசும் முன் முடித்துக் கொள்வேன்

'Hai' என்று …!

மாலையில் கடற்கரையில் என்னவள் - மணலில்

அவள் விரல் பிடித்தே எழுதுவேன்

'I Love You'என்று …!

இரவில்
வீட்டிற்கு செல்லும் வழியில் - காலை

குத்தியது முள்

'அம்மா' என்று அலறினேன்

குத்தியது முள்ளில்லை - என்னை

குத்திக் காட்டியது - என் தமிழ்

-நம்மை போல் ஒரு தமிழன்

நன்றி: நம்மை போல் ஒரு தமிழன்

நன்றி:சரண்

srinihasan · srinihasan Fri 13 Aug 2010 - 21:59

அது கூட பல பேர் சொல்வதில்லை... oh shit.. என்றுதான் சொல்கிறார்கள்....

ஹாசிம் · ஹாசிம் Fri 13 Aug 2010 - 23:57

அருமையான விளக்கம் குத்திக்காட்டிவிட்டீர்கள்

பகிர்ந்தமைக்கும் ஆக்கியமைக்கும் நன்றிகள்

**T.N.Balasubramanian** · **T.N.Balasubramanian** Sat 14 Aug 2010 - 9:20

அடிப்படும் போது,
அநிச்சையாக, வந்து விடும் தாய்மொழி
என்பதின் அடிப்படையில் அமைந்த அருமையான கற்பனை.

எழுதியவருக்கும், எடுதாண்டவருக்கும் மலர்கள். அன்பு மலர்

ரமணீயன்.

கோவை ராம் · கோவை ராம் Sat 14 Aug 2010 - 11:17

அட்டகாசமான வர்த்தைகள்.ஆனால் இப்பொ முள் குத்தினால் கூட S ல்
ஆரம்பித்து T ல்
முடியும் 4 எழுத்து ஆங்கில வார்த்தையைதான் அதன் பொருல் அறியாமல் பலர் உபயொகிக்கின்றனர்.இவர்களுகு முள் பத்தாது .ஆனால் கத்தி குத்தினால் தானாக அம்மா என்று தமிழ் வரும்

கவிதை மிக அருமை

ராம்

**ராஜா** · **ராஜா** Sat 14 Aug 2010 - 12:31

rarara wrote:அட்டகாசமான வர்த்தைகள்.ஆனால் இப்பொ முள் குத்தினால் கூட S ல்ஆரம்பித்து T ல்
முடியும் 4 எழுத்து ஆங்கில வார்த்தையைதான் அதன் பொருல் அறியாமல் பலர் உபயொகிக்கின்றனர்.இவர்களுகு முள் பத்தாது .ஆனால் கத்தி குத்தினால் தானாக அம்மா என்று தமிழ் வரும்
கவிதை மிக அருமை
ராம்

உண்மை உண்மை குத்திக் காட்டியது - என் தமிழ் 678642