ஆட்கொண்ட ஈசா ஆள்கொன்றதேன்?

**kirikasan** · **kirikasan** Fri Aug 13, 2010 1:44 pm

உன்னை நினத்து உருகிநின்றோம்
உன்னைக் கடவுள் என்றேங்கி நின்றோம்
தென்னை நிறைதிருக் கேதீஸ்வரம்
தன்னில்உறையும் எமதீசனே

எம்மைப் படைத்தனை ஏன் இறைவா
எட்டி உதைத்து மிதித்திடவோ
அம்மை உமைமீது கோபம்கொண்டால்
ஆடிமிதிதெம்மில் கூத்திடவோ

செம்மை மொழிஎன்று கூறுகிறார்
சொல்லரும் பழமை பேசுகிறார்
உண்மையெனில் வயதாகிவிட்ட
ஓர்கிழமென்று வெறுத்தனையோ

சிங்களம் பேச விரும்பினையோ
செந்தமிழ் பேசி சலித்தனையோ
இங்கிலீசு பேச இல்லையென
எம்தமிழீழம் கசந்ததுவோ

காத்தல் படைத்தல் அழித்தலென
காணும் தொழில் இவை மூன்றினிலும்
காப்பவன்தானும் படைப்பவனும்
கண்ணுறங்க நீ விழித்தனையோ

ஆடுவது சுடுகாடு என்றார்
அன்புமீறித் தமிழ்ஈழம் வந்து
ஆடவென்று சுடுகாடு செய்து
அங்குநடமிட்டு தூங்கினையோ

அன்றொருவன் பெரு வேள்விசெய்து
ஆக்கி ஒருபுலி ஏவிவிட்டான்
கொன்று உடுத்ததில் கண்டசுகம்
இன்று அதைச்செய்யத் தூண்டியதோ

பாதி மேனிதனைப் பார்வதிக்கு
பாகமளித் தவா,ஈசுவரா
நீதியோ நம்மையும் பாதிப்பாதி
ஆக்கி கிழித்திடக் காணுவது

செங்குருதி கொட்டிச் சிவந்ததனால்
செந்தமிழ் என்ற பெயர் வந்ததோ
பொங்கி வழிகின்ற போதினிலே
பொங்குதமிழ் ஆகிப் போனதுவோ

சங்ககாலம் சொல்கதைக ளெல்லாம்
சாய்ந்து வீரமைந்தர் தூங்கவென
பைந்தமிழ் அன்னைஅருகிருந்து
பாடிக் கண்வளர்த்த பாட்டுகளோ

செல்லமகன் வீழ்ந்தபோர்முனையில்
சென்றுமுதுகினில் வேல்விழுந்து
கொல்ல விழுந்தவன் ஆகிவிடில்
கொங்கை அறுப்பேன் எனவுரைத்து

மங்கை ஒருத்தி சென்றாளென்று
மாண்புமிகு கதை கூறிவைத்தார்
எங்கள் மைந்தர்எதிர் நிற்கையிலே
எத்தர்பெரு நஞ்சுவைத் தழித்தார்

வஞ்சகம் செய்தவர் அன்னையவள்
நெஞ்சில் வழிந்தது நஞ்சல்லவோ
நஞ்சு உண்டவரை வாழவைத்தாய்
நஞ்சுண்ட கண்டனே நீதியிதோ

புண்ணைக் கிளறிய வேதனையில்
கொல்லக் கொல்லக்கத றுகின்றோம்
கண்ணைத் திறதிருக் கேதீஸ்வரம்
காணும் எமதருட் காவலனே!

அன்பு தளபதி · அன்பு தளபதி Fri Aug 13, 2010 1:47 pm

உங்கள் பிரார்த்தனைகள்
நிறைவேறுவதில் நீங்கள்
மகிழ்ச்சியடைந்தால்
கடவுள் சக்தியில் உங்களுக்கு
நம்பிக்கை இருப்பதாக அர்த்தம்.
உங்கள் பிரார்த்தனைகள்
தோல்வியடைந்தால்
கடவுளுக்கு உங்கள் சக்தியில்
நம்பிக்கை இருப்பதாக அர்த்தம்.

**உமா** · **உமா** Fri Aug 13, 2010 3:20 pm

maniajith007 wrote:உங்கள் பிரார்த்தனைகள்
நிறைவேறுவதில் நீங்கள்
மகிழ்ச்சியடைந்தால்
கடவுள் சக்தியில் உங்களுக்கு
நம்பிக்கை இருப்பதாக அர்த்தம்.
உங்கள் பிரார்த்தனைகள்
தோல்வியடைந்தால்
கடவுளுக்கு உங்கள் சக்தியில்
நம்பிக்கை இருப்பதாக அர்த்தம்.

**கா.ந.கல்யாணசுந்தரம்** · 28/02/2009

Uma Thyagajan wrote:
maniajith007 wrote:உங்கள் பிரார்த்தனைகள்
நிறைவேறுவதில் நீங்கள்
மகிழ்ச்சியடைந்தால்
கடவுள் சக்தியில் உங்களுக்கு
நம்பிக்கை இருப்பதாக அர்த்தம்.
உங்கள் பிரார்த்தனைகள்
தோல்வியடைந்தால்
கடவுளுக்கு உங்கள் சக்தியில்
நம்பிக்கை இருப்பதாக அர்த்தம்.

Sponsored content · Sponsored content

ஆட்கொண்ட ஈசா ஆள்கொன்றதேன்?

ஆட்கொண்ட ஈசா ஆள்கொன்றதேன்?

Re: ஆட்கொண்ட ஈசா ஆள்கொன்றதேன்?

Re: ஆட்கொண்ட ஈசா ஆள்கொன்றதேன்?

Re: ஆட்கொண்ட ஈசா ஆள்கொன்றதேன்?

Re: ஆட்கொண்ட ஈசா ஆள்கொன்றதேன்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக