சுதந்திரம்

கோவை. மு. சரளா · 04/08/2010

எங்கே இருக்கிறது
எனக்கான சுதந்திரம்

அடுப்பங்கரையிலும்

ஆத்தங்கரையிலும் மட்டுமே

அடிமை சங்கிலி அவிழ்கபடுகிறது
அர்த்த
ராத்திரியில் மட்டுமே

இருட்டில் வாங்கியதால் தானோ
இன்னும் வெளிச்சத்திற்கு வர வெட்கபடுகிறது

அந்நியனிடம் வாங்கிய
சுதந்திரத்தை
இன்னும் முழுதாய் அனுபவிக்கவில்லை

சாதியாலும்
சமயத்தாலும் இனத்தாலும்
நமக்கு நாமே அடிமை சங்கிலி பூட்டிகொண்டோம்

இவை
அனைத்தும் எப்போது தகர்க்க படுமோ
அப்போது ஆனந்தமடைவேன்

உண்மை
சுதந்திரம் கிடைத்தது என்று
கவிதை பாடுவேன் களிப்பில் ஆடுவேன் ....

அதுவரை
ஆகஸ்டு 15 எனக்கு
ஆடம்பர விழா மட்டுமே

megastar · megastar Fri Aug 13, 2010 12:40 pm

அந்த ஒரு நாளாவது சுதந்திரமா இருக்கட்டுமே, ஆதங்கம் புரிகிறது. ஜாலி

கோவை. மு. சரளா · 04/08/2010

ஒரு நாள் மகிழ்ச்சி போதும், பத்து நிமிடம் சுகம் போதும் என்று ஒவொருவரும்
நினைபதால் தான் வாழ்நாள் சுகத்தை அழித்து கொண்டு இருக்கிறோம்

**கா.ந.கல்யாணசுந்தரம்** · 28/02/2009

சாதியாலும்
சமயத்தாலும் இனத்தாலும்
நமக்கு நாமே அடிமை சங்கிலி பூட்டிகொண்டோம்
.........உண்மை சகோதரி.
உண்மையான சுதந்திரம் என்பது மானுடம் சாதி மத பேதமின்றி என்று இணைந்து வாழ்கிறதோ அன்று தான்.

...கா.ந.கல்யாண்

ஹாசிம் · ஹாசிம் Fri Aug 13, 2010 1:08 pm

அனைத்து மனங்களும் சுதந்திரத்திற்காய் ஏங்கிநிற்கும் உண்மை வரிகள் பாராட்டுகள்

கோவை. மு. சரளா · கோவை. மு. சரளா Fri Aug 13, 2010 1:11 pm

எப்படி இருக்கிறோம் என்பது பற்றிய விழிப்புணர்வு இல்லாமல் வெறும் அரசியல்
கூத்தாக ஆகஸ்டு 15 ஆகிட கூடாது என்ற ஆதங்கம் நீங்கள் உணர்ந்ததே பெரும்
மகிழ்ச்சி எனக்கு