போர்க்குற்றம் தொடர்பான சர்வதேச அழுத்தங்களை திசை திருப்பவே ஆணைக்குழு விசாரணை! மனித உரிமை அமைப்புகள் சந்தேகம்!!

நிசாந்தன் · நிசாந்தன் Fri Aug 13, 2010 11:02 am

அரசாங்கத்தினால் நியமிக்கப்பட்ட நல்லிணக்க ஆணைக்குழுவின் நம்பகத்தன்மை குறித்து கேள்வி எழுப்பப்பட்டுள்ளது. ஆணைக்குழு விசாரணைகள் நேற்று கொழும்பில் ஆரம்பித்திருக்கும் நிலையில் மனிதவுரிமை அமைப்புகளும் அமெரிக்க காங்கிரஸ் உறுப்பினர்களும் இவ் ஆணைக்குழுவின் நம்பகத்தன்மை குறித்து சந்தேகம் கொண்டிருப்பதாக ஏ.எவ்.பி. செய்தி வெளியிட்டுள்ளது.

அரச படையினரால் வன்னி யுத்தத்தின்போது மேற்கொள்ளப்பட்ட போர்க் குற்றங்கள் குறித்து சுயாதீனமான விசாரணைகளை மேற்கொள்ளுமாறு சர்வதேச சமூகம் விடுத்துவரும் அழைப்புகளை திசைதிருப்புவதற்கான இலங்கையின் முயற்சியே இந்த ஆணைக்குழு என நியூயோர்க்கைத் தளமாகக் கொண்ட மனித உரிமைகள் கண்காணிப்பகம் கூறியுள்ளது. சிறிலங்காவில் முன்னரும் பல விசாரணைக் குழுக்கள் அமைக்கப்பட்டுள்ளன. ஆனால், அவை எவ்வித முன்னேற்றத்தையும் தரவில்லை என மனித உரிமைகள் கண்காணிப்பகத்தின் தெற்காசியாவிற்கான பணிப்பாளர் மீனாட்சி கங்குலி ஏ.எவ்.பி.க்குத் தெரிவித்தார்.

தற்போதுள்ள நல்லிணக்க ஆணைக்குழுவின் விசாரணகளின்படி இவற்றிற்கு பதிலளிக்கவேண்டிய அரசின் உறுதிப்பாட்டில் எமக்கு நம்பிக்கையில்லையென அவர் மேலும் கூறியுள்ளார்.

8 உறுப்பினரைக் கொண்ட நல்லிணக்க ஆணைக்குழு விசாரணைகளை 5 நாட்கள் கொழும்பிலும் இரு நாட்கள் வவுனியாவிலும் நடக்கவுள்ள நிலையில் இந்த விமர்சனங்கள் எழுந்துள்ளன. `இவ் ஆணைக்குழுவிற்கு தண்டனை வழங்கும் அதிகாரம் இல்லை. எமது பணி அதுவுமல்ல. நீதியை நிலைநாட்டுவதை உறுதிப்படுத்துமாறு மட்டுமே நாம் கேட்ப்பட்டுள்ளோம். ஆனால், பாதிக்கப்பட்டவர்களுக்கு நஷ்டஈடு வழங்குமாறு சிபாரிசு செய்வதற்கு வாய்ப்புள்ளது` என ஆணைக்குழுவின் பெயர் குறிப்பிட விரும்பாத அதிகாரி ஒருவர் ஏ.எவ்.பி. செய்திச் சேவைக்குக் கூறியுள்ளார்.

போர்க் குற்றச்சாட்டுகள் தொடர்பான சர்வதேசத்தின் அக்கறைகள் இருக்கும்வரை ஆணைக்குழுவின் விசாரணைகளை இழுத்தடிக்கலாம் என்ற எதிர்பார்ப்புடன் இலங்கை அதிகாரிகள் இருப்பதாக, மனித உரிமைகள் கண்காணிப்பகத்தைச் சேர்ந்த மீனாட்சி கங்குலி குற்றம் சாட்டுகிறார். சர்வதேச மன்னிப்புச்சபை போன்ற ஏனைய உரிமைகளுக்கான அமைப்புகளும் இந்தக் குழுவின் சுயாதீனத்தன்மை குறித்து கேள்வி எழுப்பியிருப்பது குறிப்பிடத்தக்கது.

போர்க்குற்றம் தொடர்பான சர்வதேச அழுத்தங்களை திசை திருப்பவே ஆணைக்குழு விசாரணை! மனித உரிமை அமைப்புகள் சந்தேகம்!!

போர்க்குற்றம் தொடர்பான சர்வதேச அழுத்தங்களை திசை திருப்பவே ஆணைக்குழு விசாரணை! மனித உரிமை அமைப்புகள் சந்தேகம்!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக