Latest topics

சில 'நாய்களால்' எனது பாதுகாப்பு நீக்கப்படுகிறது - மெர்வின் சில்வா

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

சில 'நாய்களால்' எனது பாதுகாப்பு நீக்கப்படுகிறது - மெர்வின் சில்வா

Post by நிசாந்தன் Fri Aug 13, 2010 10:22 am

முன்னாள் நெடுஞ்சாலைகள் பிரதியமைச்சர் மேர்வின் சில்வாவின் பதவி பறிக்கப்பட்டதைத் தொடர்ந்து அவருக்கு வழங்கப்பட்டிருந்த பாதுகாப்பும், அவருக்கென ஒதுக்கப்பட்டிருந்த வாகனங்களும் குறைக்கப்படவுள்ளன. பிரதி அமைச்சருக்குரிய பாதுகாப்பு வாபஸ் பெறப்பட்டு நாடாளுமன்ற உறுப்பினர் ஒருவருக்கு வழங்கப்படுவது போன்ற பாதுகாப்பே இனி அவருக்குக் கிடைக்கும் என தேசிய பாதுகாப்புக்கான ஊடக மத்திய நிலையத்தின் பணிப்பாளர் நாயகம் லக்ஸ்மன் ஹுலுகல்ல தெரிவித்தார். அதோடு மெர்வின் சில்வாவுக்கு வழங்கப்பட்டிருந்த உத்தியோகபூர்வ வாகனங்களும் குறைக்கப்படும் என பாதுகாப்பு அமைச்சின் உயர் அதிகாரியொருவர் உறுதிப்படுத்தியுள்ளார்.

இதற்கிடையில், களனியில் தனது ஆதரவாளர்களுக்கு மத்தியில் பேசிய மெர்வின் சில்வா, "சில 'நாய்கள்' எனது பாதுகாப்பை நீக்கும்படி அழுத்தம் கொடுக்கிறார்கள், அவ்வாறு செய்தால் நான் எனது தனிப்பட்ட பாதுகாப்பைப் பயன்படுத்துவேன்" எனத் தெரிவித்துள்ளார். மெர்வின் சில்வாவுக்கு மீண்டும் பதவி வழங்கவேண்டும் என்று அவரது ஆதரவாளர்கள் இன்று ஆர்ப்பாட்டம் நடத்தியபோதும், தமக்கு இப்போது ஒரு பதவியுமே தேவையில்லை என்றும் விசாரணை மூலம் தம்மீது குற்றம் கண்டுபிடிக்கப்பட்டால் தாம் மக்களுக்குச் சேவை செய்வேன் என்றும் மெர்வின் தெரிவித்துள்ளாராம்.

நிசாந்தன்: இளையநிலா; பதிவுகள் : 957
இணைந்தது : 24/07/2010