கைப்பிள்ளையாக” ஸ்கானர்

by செரின் Sun Jul 26, 2009 4:11 pm

அனைத்தும் கையடக்கமாக வந்துகொண்டிருக்கையில் வருடி எனப்படுகின்ற
ஸ்கானர்களும் கையடக்கமான கைப்பிள்ளையாக வருவதில் வியப்பில்லைதானே.இது
போன்றவை சந்தைக்குப் புதியதல்லதெனினும் அண்மையில் வந்திருக்கும்
வருடியினையே படத்தில் காண்கிறீர்கள்.

‘பென் டிறைவர்’ போன்று கையில் கொண்டு செல்லக்கூடிய வருடியான PENTAX இனது DSMobile600 ஆனது பயன்படுத்த இலகுவானது என பரீட்சார்த்த முடிவுகள் கூறுகின்றன. இதில் 0.8 மி.மீ தடிப்பு வரையான ஆவணங்களை வருடல்(ஸ்கானிங்) செய்ய முடியும். USB மூலமாக கணினியுடன் இணைக்கப்படக்கூடிய இந்த வருடியில் வருடல் செய்த ஆவணங்கள் PDF ஆக மாற்றப்பட்டு சேமிக்கப்படலாம். இதில் உள்ள பொத்தான்(பட்டன்) மூலம் இதனுடன்
இணைக்கப்பட்டுள்ள மென்பொருளுடாக வருடல் செய்ய முடியும். இருந்தபொழுதிலும் விரும்பிய மென்பொருட்களினூடாகவும் வருடலாம்.வருடும்போது ஆவணம் இதனுடாக சென்றுகொண்டிருக்க இறுதியில் வருடல் பூர்த்திசெய்யப்படும்.அதாவது சாதாரண அச்சுப்பொறி(பிறின்டர்) தொழில்நுட்பத்தை ஒத்தது.இதன் இலங்கைப்பெறுமதி சுமார் ரூபா 18,000 ஆகும்.

by **சிவா** Sun Jul 26, 2009 4:15 pm

அறிவியலின் வளர்ச்சிக்கு எல்லையில்லை! அறிவியலின் வளர்ச்சியைப் பார்க்க மட்டுமே எனக்கு ஆயிரம் ஆண்டுகள் வாழ ஆசை.

by kirupairajah Sun Jul 26, 2009 4:20 pm

இந்த அறிவியல்தான் மக்களின் உயிர்களையும் நொடிப்பொழுதில் குடிக்கிறது

by **சிவா** Sun Jul 26, 2009 4:25 pm

ஆமாம் கிருபை! தேவர்கள் பாற்கடலைக் கடையும்போது அமிர்தத்துடன் நஞ்சும் வெளிப்பட்டதாகத்தானே படித்துள்ளோம். அதுபோல ஒவ்வொரு செயலிலும் நன்மை தீமைகள் கலந்தே வருகிறது. இது தவிர்க்க இயலாதது.