அழும்வரைக்கும் சிரிப்பேன் !

**kirikasan** · **kirikasan** Thu Aug 12, 2010 9:21 pm

மனம்கொண்ட துன்பங்கள் மனமேதா னறிந்தாலும்
மகிழ்வென்ற நிறம்பூசிடும்
தினம்என்றும் துயர்கூடித் துன்பங்கள் மலிந்தாலும்
தித்திப்பை விழிகாட்டிடும்
வனமெங்கும் முள்போல வாழ்வில்பல் லெண்ணங்கள்
வலிதந்து ரணமாக்கிடும்
இனம்காட்ட முடியாது இன்பத்தை முகம்பூசி
எழில்போல உருமாற்றிடும்

பணமொன்றும் தீர்க்காது பட்டாடை,பல்லக்கு
தலைதூக்கி எவராடினும்
பிணமென்று விதிசொல்லிப் பின்வாசல் வழிவந்தால்
பேசாது உயிரோடிடும்
மணமென்றும் மனையென்றும் மக்கள்மற் றுறவென்று
மறந்தேநம் விழிமூடிடும்
கணந்தன்னில் கரியாகிக் காற்றோடு புகையாகிக்
கனவென்ற நிலையாகிடும்

களவாக எமன்வந்து கயிறானதெறிகின்ற
கணந்தன்னில் எதுகூறினும்
விளையாது பயனேதும் விரைந்தோடி உயிர்சென்று
விளையாட்டு முடிவாகிடும்
களையாது தினம்தோறும் கனவோடு உயிர்கொண்டு
புவிமீது நடந்தோடினேன்
வளமான வாழ்வென்று வருந்தாமல் திமிரோடு
பலநூறு பிழை யாற்றினேன்

எனையாளும் இறைவா நீ இதுகால வரைதானு
மிரு என்றாய் புவிமீதிலே
வினைகொண்டு அழுதாலும் வியந்தேபின் சிரித்தாலும்
வாழ்ந்தேனே அதுபோதுமே
சுனையோடு மீன்துள்ளும் சுழன்றோடும், வலைவீச
தெரியாமல் அதில்மாண்டிடும்
நினையாது ஒருநாளில் நிகழ்கின்ற வாழ்வீது
நிழலாக்கி உயிரோடிடும்

அதுபோலும் விதி சொல்லி அகல்கின்றவரை நானும்
மகிழ்வோடு கூத்தாடுவேன்
புதுநாளில் எந்நாளும் புலர்கின்ற வெயிலோனைப்
போலாகி ஒளிவீசுவேன்
மதுவுண்ணும் வண்ணத்து மென்தும்பி எனநானும்
அழகாகப் பறந்தோடுவேன்
பொதுவாக இன்பங்கள் இன்பங்கள் எனபாடிப்
போகும்வரை ஆடுவேன்.

**சிவா** · **சிவா** Mon Aug 30, 2010 5:33 pm

///அதுபோலும் புவிவிட்டு அகல்கின்றவரை நானும்
மகிழ்வோடு கூத்தாடணும்
புதுநாளில் எந்நாளும் புலர்கின்ற வெயிலோனைப்
போலாகி ஒளிவீசணும்
மதுவுண்ணும் வண்ணத்து மென்தும்பி எனநானும்
அழகாகப் பறந்தோடணும்
பொதுவாக இன்பங்கள் இன்பங்கள் எனபாடிப்
பொட்டென்று முடிவாகணும்///

இந்த வரிகளைக் கண்டு மனம் குதூகளித்தேன்!!!

முத்தியாலு மாதேஷ் · 04/02/2010

எனையாளும் இறைவா நீ இதுகால வரைதானு
மிரு என்றாய் புவிமீதிலே
வினைகொண்டு அழுதாலும் வியந்தேபின் சிரித்தாலும்
வாழ்ந்தேனே அதுபோதுமே
சுனையோடு மீன்துள்ளும் சுழன்றோடும், வலைவீச
தெரியாமல் அதில்மாண்டிடும்
நினையாது ஒருநாளில் நிகழ்கின்ற வாழ்வீது
நிழலாக்கி உயிரோடிடும்

இதுவும் நல்லாதானிருக்கு

gunashan · gunashan Mon Aug 30, 2010 5:50 pm

முத்தியாலு மாதேஷ் wrote:எனையாளும் இறைவா நீ இதுகால வரைதானு
மிரு என்றாய் புவிமீதிலே
வினைகொண்டு அழுதாலும் வியந்தேபின் சிரித்தாலும்
வாழ்ந்தேனே அதுபோதுமே
சுனையோடு மீன்துள்ளும் சுழன்றோடும், வலைவீச
தெரியாமல் அதில்மாண்டிடும்
நினையாது ஒருநாளில் நிகழ்கின்ற வாழ்வீது
நிழலாக்கி உயிரோடிடும்

இதுவும் நல்லாதானிருக்கு

இதுல எது நல்லாயில்ல முத்தியாலு... சோகம்

**kirikasan** · **kirikasan** Mon Aug 30, 2010 5:52 pm

நன்றி ! நன்றி! நன்றி! மிகவும் மகிழ்ச்சியாக இருக்கிறது!! ஜாலி

கடைசி பந்தியை இப்படி மாற்றினேன் திருத்த மறந்துவிட்டேன். இதைக் கொள்க

அதுபோலும் விதி சொல்லி அகல்கின்றவரை நானும்
மகிழ்வோடு கூத்தாடுவேன்
புதுநாளில் எந்நாளும் புலர்கின்ற வெயிலோனைப்
போலாகி ஒளிவீசுவேன்
மதுவுண்ணும் வண்ணத்து மென்தும்பி எனநானும்
அழகாகப் பறந்தோடுவேன்
பொதுவாக இன்பங்கள் இன்பங்கள் எனபாடிப்
போகும்வரை ஆடுவேன்.

புவனா · புவனா Tue Aug 31, 2010 1:40 am

sathikdm · sathikdm Thu Sep 02, 2010 3:36 am

Sponsored content · Sponsored content

அழும்வரைக்கும் சிரிப்பேன் !

அழும்வரைக்கும் சிரிப்பேன் !

Re: அழும்வரைக்கும் சிரிப்பேன் !

Re: அழும்வரைக்கும் சிரிப்பேன் !

Re: அழும்வரைக்கும் சிரிப்பேன் !

Re: அழும்வரைக்கும் சிரிப்பேன் !

Re: அழும்வரைக்கும் சிரிப்பேன் !

Re: அழும்வரைக்கும் சிரிப்பேன் !

Re: அழும்வரைக்கும் சிரிப்பேன் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக