எந்த மர்ம நோயும் இல்லை ஜே. வுக்கு பன்னீர் செல்வம் பதிலடி!

நாகர்
கோயில்:

கன்னியாகுமரி மாவட்டத்தில் எவ்விதமான மர்ம நோய் தாக்குதலும்
இல்லை' என்று,தமிழக சுகாதாரத் துறை அமைச்சர் எம்.ஆர்.கே.பன்னீர்செல்வம்
தெரிவித்துள்ளார்.

இது
குறித்து ஜெயலலிதா வெளியிட்ட அறிக்கைக்கு, பதிலளித்த அமைச்சர்
பன்னீர்செல்வம் கன்னியாகுமரி மாவட்டத்தில் ஏதோ மர்ம நோய் பரவியிருப்பதாக
ஜெயலலிதா அறிக்கை விடுத்துள்ளார். அவர் கூறியிருப்பது போல அங்கு எவ்வித
மர்ம காய்ச்சலும் இல்லை. பருவ நிலை மாற்றத்தால் மக்களுக்கு சாதாரண
காய்ச்சல் அவ்வப்போது ஏற்படுகிறது. அதை உடனுக்குடன் குணப்படுத்த சிகிச்சை
அளிக்கும் பணி துரிதமாக நடக்கிறது.

அந்த
மாவட்டத்தில் உள்ள அனைத்து ஆரம்ப சுகாதார நிலையங்களிலும், அரசு
மருத்துவமனைகளிலும் சாதாரண காய்ச்சல் கண்டவர்களுக்குக் கூட உடனடி பரிசோதனை
மற்றும் சிகிச்சைகள் அளிக்கப்படுகின்றன. காய்ச்சல் என்று வருவோர்க்கு
அதற்கான முழு பரிசோதனையும் செய்யப்படுகிறது. நாகர்கோவில் மற்றும் நெல்லை
அரசு மருத்துவக் கல்லூரி மருத்துவமனைகளில், இந்நோய்களுக்கு பரிசோதனை
செய்யும் வசதிகள் உள்ளன.

கன்னியாகுமரி
மாவட்டத்தில் ஏற்கனவே வந்த பன்றிக் காய்ச்சல் நோயைக் கட்டுப்படுத்த
அனைத்து நடவடிக்கைகளும் எடுக்கப்பட்டு வருகிறது. நோயாளிகள் 20 நாட்கள் வரை
காத்திருக்கின்றனர் என்று கூறியிருப்பது தவறான தகவல். கன்னியாகுமரி
மாவட்டத்தில் பன்றிக் காய்ச்சல் சிகிச்சைக்கு தேவையான மருந்துகள் போதிய
அளவில் அனைத்து அரசு மருத்துவமனைகளிலும் உள்ளன. கன்னியாகுமரி
மருத்துவமனையில் எம்.ஆர்.ஐ., ஸ்கேன் தேவைப்படுவோருக்கு, பக்கத்தில் நெல்லை
மருத்துவமனையில் ஸ்கேன் எடுக்கப்படுகிறது.

முன்பு
ஐந்து ஆண்டு கால ஜெயலலிதா ஆட்சியில் ஒரு எம்.ஆர்.ஐ., ஸ்கேன் கூட
வாங்கவில்லை. அ.தி.மு.க., ஆட்சி முடியும் சமயத்தில் கன்னியாகுமரி
மாவட்டத்தில் ஆயுர்வேத மருத்துவக் கல்லூரியைத் துவக்க 2006ம் ஆண்டு
ஜனவரியில் அரசாணை வெளியிடப்பட்டது. ஆனால், இந்த கல்லூரியைத் துவங்க
கருணாநிதி தலைமையிலான அரசு தான் தொடர் நடவடிக்கைகளை எடுத்து, நூறு
உள்நோயாளிகள் கொண்ட படுக்கை வசதியுடன், அனைத்து ரத்தப் பரிசோதனைக் கூடம்,
பஞ்சகர்மா மருத்துவப் பிரிவு வசதிகள் உள்ளன. என்று அமைச்சர் பன்னீர்
செல்வம் தெரிவித்துள்ளார்.