போபால்: ஆண்டர்சன் தப்பியதற்கு நரசிம்ம ராவ்தான் காரணம் -அர்ஜுன் சிங்

by நவீன் Thu Aug 12, 2010 9:42 am

புது
தில்லி,

போபால் விஷவாயு சம்பவத்துக்கு காரணமான யூனியன் கார்பைடு
நிறுவனத்தின் தலைவர் வாரன் ஆண்டர்சன் இந்தியாவிலிருந்து வெளியேறியதற்கு
முன்னாள் பிரதமர் நரசிம்ம ராவ்தான் காரணம் என அர்ஜுன் சிங் தெரிவித்தார்.÷போபால்
விஷவாயு சம்பவம் தொடர்பாக அண்மையில் சர்ச்சைகள் எழுந்தன. அப்போது மத்தியப்
பிரதேச முதல்வராக இருந்த அர்ஜுன் சிங் இதுவரை மெüனம் காத்துவந்தார்.÷இப் பிரச்னை தொடர்பான விவாதம் மாநிலங்களவையில் புதன்கிழமை நடைபெற்றது. விவாதத்தில் பங்கேற்று அவர் பதிலளித்துப் பேசியதாவது:÷ஆண்டர்சனுக்கு
ஜாமீன் வழங்க வலியுறுத்தி தொடர்ந்து மத்திய உள்துறை அமைச்சக அதிகாரிகளிடம்
இருந்து நெருக்குதல் அளிக்கப்படுவதாக அப்போதைய தலைமைச் செயலர் என்னிடம்
தெரிவித்தார்.÷(அப்போது உள்துறை அமைச்சராக நரசிம்ம ராவ் இருந்தார்).÷ஆண்டர்சனை கைது செய்வதற்கு உத்தரவு பிறப்பித்ததுடன் அதைப் பதிவு செய்யவும் உத்தரவிட்டேன்.÷ராஜீவ்
காந்திக்குத் தொடர்பில்லை: ஆண்டர்சன் கைது செய்யப்பட்டபோது அப்போதைய
பிரதமர் ராஜீவ் காந்தி மத்தியப் பிரதேசத்தில் சுற்றுப்பயணத்தில்
ஈடுபட்டிருந்தார்.÷அவரிடம் தகவல் தெரிவிக்கப்பட்டபோது அவர் ஆண்டர்சனுக்கு ஆதரவாகவோ, எதிர்ப்பாகவோ எந்தவிதமான கருத்தையும் தெரிவிக்கவில்லை.÷அரசு விமானத்தில் போபாலை விட்டு ஆண்டர்சன் அனுப்பப்பட்ட சம்பவம் குறித்து விவரித்தால் அது கசப்புணர்வையே உண்டாக்கும்.÷ஆண்டர்சனை
மக்கள் தாக்கக்கூடாது என்பதற்காகத்தான் அவரை கைது செய்தபின் அரசு
விருந்தினர் இல்லத்துக்கு கொண்டு செல்லும் முடிவை "கனத்த இதயத்துடன்'
எடுத்தேன்.÷இப் பிரச்னை தொடர்பாக யார் மீதும் குற்றம் சுமத்த
விரும்பவில்லை. ஏதாவது குற்றம் இழைத்திருந்ததாக கருதப்பட்டால், சாதாரண
குடிமகனாக இருந்து அதற்கான தண்டனையை ஏற்கத் தயாராக இருக்கிறேன்.÷ஒபாமா
நவம்பரில் இந்தியாவுக்கு வரும்போது ஆண்டர்சனை இந்தியாவுக்கு அனுப்பவும்,
பாதிக்கப்பட்டவர்களுக்கு உரிய நிவாரண உதவி வழங்குவது குறித்தும் அவரிடம்
பிரதமர் மன்மோகன் சிங் வலியுறுத்த வேண்டும் என்றார்.÷பாஜக கண்டனம்:
அர்ஜுன் சிங்கின் பதில் திருப்தி அளிக்கவில்லை என்றும், இறந்தவர்களின்
மீது பழிபோட்டு தப்பித்துக் கொள்ளப் பார்க்கிறார் என்றும், உண்மைகளை
மேலும் மறைப்பதாகவே அவரது அறிக்கை உள்ளது என்றும் மாநிலங்களவை
எதிர்க்கட்சித் தலைவர் அருண் ஜேட்லி கூறினார்.÷சி.பி.ஐ.க்கு ப.சிதம்பரம் பாராட்டு: இப் பிரச்னை தொடர்பாக மக்களவையில் நடந்த விவாதத்தில் உள்துறை அமைச்சர் ப.சிதம்பரம் பேசியதாவது:÷வாரன் ஆண்டர்சனுக்கு எதிரான குற்றச்சாட்டுகள் நீர்த்துப் போகுமாறு செய்யப்படவில்லை.÷அட்டார்னி
ஜெனரல் எதிரான கருத்தை கூறிய போதும் கூட, ஆண்டர்சனை இந்தியாவுக்கு கொண்டு
வர வேண்டும் என்பதில் சி.பி.ஐ. உறுதியாக இருந்தது பாராட்டத்தக்கது என்றார்
சிதம்பரம்.