பஞ்சாலைகளை நவீனப்படுத்த அரசு தூதுக் குழு தில்லி செல்ல தீர்மானம்

புதுச்சேரி,

புதுச்சேரியில் உள்ள பஞ்சாலைகளை நவீனப்படுத்த அரசு தூதுக் குழு தில்லி
செல்ல வேண்டும் என்று ஏஎப்டி அனைத்து சங்க கூட்டு நடவடிக்கைக் குழு
தீர்மானம் நிறைவேற்றியுள்ளது.இந்தக் கூட்டு நடவடிக்கைக் குழுவின் கூட்டம் ஏஎப்டி ஏஐடியூசி அலுவலகத்தில் நடந்தது.ஏஎப்டி
தொழிலாளர்களுக்கு நிலவும் சம்பள முரண்பாட்டை களைய அமைக்கப்பட்ட ஐவர் குழு
அளித்துள்ள அறிக்கையை வெளியிட்டு அரசாணை பிறப்பித்து அமலாக்க வேண்டும்.ஏஎப்டி
தொழிலாளர்களுக்கு புதிய சம்பள உயர்வில் அளிக்கப்படாமல் விடுபட்ட புதிய
சம்பள உயர்வுக்கான நிலுவைத் தொகையை 1.4.2008 தேதியிட்டு வழங்க வேண்டும்.
அத் தொகையை தொழிலாளர் கூட்டுறவுக் கடன் வழங்கும் சங்கத்தில்
செலுத்தப்படாமல் நிலுவையில் இருந்து வரும் கடன் தொகையில் நேர் செய்ய
வேண்டும்.மில்லில் இருந்து வரும் வேலை ஆணை தடைச் சட்டத்தை உடனடியாக
ரத்து செய்ய வேண்டும். மில்லில் ஆள்கள் பற்றாக்குறையால் ஓடாமல் நிறுத்தி
வைக்கப்பட்டுள்ள இயந்திரங்கள் அனைத்தையும் இளைஞர்களைப் பணியில் அமர்த்தி
முழு உற்பத்தி எடுக்க வேண்டும். இதனால் மில்லில் நஷ்டத்தை குறைத்து
லாபத்தில் கொண்டு வர வேண்டும்.மத்திய அமைச்சர் வி. நாராயணசாமி
மூன்று மில்களையும் நவீனப்படுத்தி இயக்கவும், வேலை வாய்ப்பை
உறுதிப்படுத்தவும் ரூ.300 கோடி மத்திய அரசிடம் கேட்டுள்ளதாகக் கூறிய
தொகையை உடனடியாக மத்திய அரசிடமிருந்து புதுச்சேரி அரசு கேட்டுப் பெற
வேண்டும்.அதற்காக முதலமைச்சர் தலைமையில் இதர அமைச்சர்களும்,
எம்பிக்கள், சட்டமன்ற உறுப்பினர்கள், தொழிற்சங்கப் பிரதிநிதிகள் அடங்கிய
அரசு தூதுக் குழு தில்லி சென்று மத்திய அமைச்சர்களை நேரில் சந்தித்து
வலியுறுத்த வேண்டும்.இக் கோரிக்கைகளை வலியுறுத்தி 18.8.2010 முதல்
21.8.2010 வரை ஏஎப்டி மில் அருகில் உண்ணாவிரதப் போராட்டம் நடத்துவது என்று
தீர்மானிக்கப்பட்டுள்ளது.கூட்டு நடவடிக்கை குழுவின் தலைவர் வி.எஸ். அபிஷேகம் தலைமை வகித்தார்.