தகுதி என்பது யாது?

**சிவா** · **சிவா** Sun Jul 26, 2009 12:21 pm

தகுதி

அளப்பவர்களையும் அளவுகோலையும் பொருத்தது.

அளப்பவர்களும் அளவுகோலும் எல்லோருக்கும் பொதுவாக இருக்க முடியாது.

பூமியில் கூட
மலைகளும் உண்டு
கடல்களும் உணடு.

அதனால்தான்
சமன் செய்து சீர்தூக்க வேண்டும் என்றார் வள்ளுவர்.

அப்படியானால் சீர் தூக்கும் முன்னர் அதாவது தகுதியை அளவிட்டுப் பார்ப்பதற்கு முன்னர் சமன் செய்ய வேண்டும்.

மக்கள் அனைவரும் சமநிலையில் இருக்கிறபோதுதான் தகுதியும் சமமாகப் பார்க்கப்பட முடியும்.

அவ்வாறு மக்கள் அனைவரையும் சமநிலையில் வைத்திட வந்ததுதான் சமூகநீதி.

மக்கள் அனைவரும் ஒரேநிலையில் இல்லாதபோது அவர்களிடம் காணப்படும் தகுதியை அளக்க ஒரே அளவுகோலால் முடிவதில்லை.

நிலத்திற்கு வரிவிதிக்கும் போதுகூட வேறுபாடுகள் இருக்கின்றன.

குறிப்பிட்ட அளவிற்கு மேற்பட்ட வருமானம் உடையவர்களுக்குத்தான் வருமானவரி.

இத்தகைய வேற்றுமை இல்லையென்றால் அதுவே சமூக அநீதியாகிவிடும்.

சமுதாயத்தில் காணப்படும் ஏற்றத்தாழ்வுகள் தகுதியிலும் வெளிப்படும்.

எனவே ஏற்றத்தாழ்விற்கேற்பத் தகுதியின் அளவுகோல்கள் மாறுகின்றன. இம்மாற்றங்கள் சமுதாய ஏற்றத்தாழ்வுகளைப் போக்கிச் சமன்செய்யும் - செய்ய வேண்டும் சமநிலையில் உள்ளவர்களைச் சமமாகக்கருத மறுப்பதும் சமநிலையில் இல்லாதவர்களைச் சமமாகக் கருதுவதும் சமூக நோக்கு உடையவர்களுக்குச் சார்பாக அமையாது.

அதனால் தான் வள்ளுவர்

சமன் செய்து சீர்தூக்க வேண்டும் என்றார்.

அதுவரை

'தகுதி என ஒன்று நன்றே பகுதியால்
பாற்பட்டு ஒழுகப் பெறின்' என்றும் கூறியுள்ளார் போலும்

தகுதி என்பது யாது?

தகுதி என்பது யாது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக