சாதி வாரியாக மக்கள்தொகை கணக்கெடுப்பு கோரிய மனு: நீதிமன்றம் உத்தரவு

நவீன் · நவீன் Wed Aug 11, 2010 10:50 am

மதுரை,

மக்கள்தொகை கணக்கெடுப்பில் சாதிவாரியான எண்ணிக்கையைக் குறிப்பிட வேண்டும்
எனத் தாக்கலான மனு குறித்து, மத்திய அரசின் அமைச்சரவைக் குழு இறுதி முடிவை
எடுக்க வேண்டுமென உயர் நீதிமன்ற மதுரைக் கிளை அந்த மனுவை பைசல் செய்து
செவ்வாய்க்கிழமை உத்தரவிட்டது. இதுகுறித்து மூவேந்தர் முன்னணிக்
கழக நிறுவனர் டாக்டர் எஸ். சேதுராமன் தாக்கல் செய்த மனுவில், இந்தியா
முழுவதும் மக்கள்தொகை கணக்கெடுக்கும் பணியைத் தொடங்கி மத்திய அரசு
உத்தரவிட்டுள்ளது. மாநில அரசு பல்வேறு வகுப்பினருக்கும் 69 சதவீத
இடஒதுக்கீடு வழங்குகிறது. இந்நிலையில், ஒவ்வொரு சாதியிலும் எவ்வளவு மக்கள்
உள்ளனர் எனக் கணக்கிட்டால் அனைவருக்கும் ஒதுக்கீடு முறையாகக் கிடைத்திட
வாய்ப்புள்ளது. எனவே, சாதிவாரியாக மக்கள்தொகையைக் கணக்கிட வேண்டும் என மனுவில் குறிப்பிட்டிருந்தார். இந்த மனுவை விசாரித்த நீதிபதிகள் டி.முருகேசன், எம்.துரைச்சாமி ஆகியோர் அடங்கிய டிவிஷன் பெஞ்ச் செவ்வாய்க்கிழமை அளித்த தீர்ப்பு: மக்கள்
தொகைக் கணக்கெடுப்பில் சாதி வாரியாகக் கணக்கெடுப்பது குறித்து, மத்திய
அரசு அமைச்சரவைக் குழுவை அமைத்துள்ளதாகவும், அக்குழுவே இப்பிரச்னையில்
இறுதி முடிவை எடுக்கும் என மத்திய அரசு வழக்கறிஞர் தெரிவித்துள்ளார்.
மனுதாரர் டாக்டர் சேதுராமன், அரசியல் கட்சியின் தலைவராக உள்ளார். அவர்
இதுகுறித்து தமது கோரிக்கைகளை, மத்திய அமைச்சரவைக் குழுவினரிடம்
வலியுறுத்தலாம் எனக் கூறி டிவிஷன் பெஞ்ச் மனுவை பைசல் செய்தது.

சாதி வாரியாக மக்கள்தொகை கணக்கெடுப்பு கோரிய மனு: நீதிமன்றம் உத்தரவு

சாதி வாரியாக மக்கள்தொகை கணக்கெடுப்பு கோரிய மனு: நீதிமன்றம் உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக