கருச்சிதைவு ஏற்பட்ட பிறகு 6 மாதத்தில் கருத்தரிக்கலாம்

நிசாந்தன் · நிசாந்தன் Wed 11 Aug 2010 - 12:13

ஸ்காட்லாந்து : கருச்சிதைவு, குறை பிரசவம் உள்ளிட்ட பிரச்னையால் குழந்தை பெற முடியாதவர்கள் அடுத்த 6 மாதங்களுக்குள் கருத்தரித்தால் ஆரோக்கியமாக குழந்தையை பெற்றெடுக்கலாம் என இந்திய நிபுணர் தலைமையிலான சமீபத்திய ஆய்வு ஒன்று தெரிவிக்கிறது. ஸ்காட்லாந்தில் உள்ள அபர்டீன் யுனிவர்சிட்டி நிபுணரும், இந்தியருமான சொஹினீ பட்டாச்சார்யா தலைமையிலான குழு, இது தொடர்பான ஆராய்ச்சியில் ஈடுபட்டது.

இதன்படி, கடந்த 1981 முதல் 2000 வரையிலான காலத்தில் ஸ்காட்லாந்தில் உள்ள மருத்துவமனைகளுக்கு வந்த 30 ஆயிரம் பெண்கள் பற்றிய தகவல்களை மறு ஆய்வு செய்தனர். இவர்கள் அனைவரும் முதன்முறையாக கருத்தரித்து கருச்சிதைவு அல்லது குறை பிரசவத்தால் பாதிக்கப்பட்டு மீண்டும் குழந்தை பெற்றுக் கொண்டவர்கள் என்பது குறிப்பிடத்தக்கது. இந்த ஆய்வில் தெரியவந்த விவரம் வருமாறு: கருச்சிதைவு ஏற்பட்ட பெண்களுக்கு மீண்டும் கருத்தரிக்கும்போது பொதுவாக பிரச்னை ஏற்பட வாய்ப்பு உள்ளது.
கருச்சிதைவு ஏற்பட்ட பிறகு 6 மாதத்தில் கருத்தரிக்கலாம்
அடுத்த 6 மாதங்களுக்குள் மீண்டும் கருத்தரித்த பெண்களுக்கு மீண்டும் இதுபோன்ற பிரச்னை ஏற்படுவதற்கான வாய்ப்பு குறைவாக இருந்தது. மேலும் இவர்களுக்கு சுக பிரசவம் ஆவதற்கான வாய்ப்பு அதிகம் இருந்ததுடன், குறை பிரசவத்துக்கான வாய்ப்பு குறைவாக இருந்தது. எனினும், 5ல் ஒருவருக்கு பிரச்னை ஏற்படவும் வாய்ப்பு உள்ளது. ஆனால், 6 மாதம் முதல் 12 மாதங்களுக்குள் கருத்தரித்த பெண்களுக்கு மேற்கண்ட பிரச்னைகள் ஏற்படுவதற்கான வாய்ப்பு 6 மாதங்களுக்குள் கருத்தரித்தவர்களைவிட சற்று அதிகமாக காணப்பட்டது.

குழந்தை பெற்றுக் கொள்வதை தள்ளிப் போடுவதாலும் கருச்சிதைவு ஏற்பட வாய்ப்பு உள்ளது. அதாவது 40 வயதுக்கு மேல் கருத்தரித்தால் 30 சதவீதமும், 45 வயதுக்கு மேல் கருத்தரித்தால் 50 சதவீதமும் கருச்சிதைவு ஏற்பட வாய்ப்பு உள்ளதாகவும் ஆராய்ச்சியாளர்கள் தெரிவித்துள்ளனர். கருச்சிதைவு ஏற்படும் பட்சத்தில், 6 மாதங்கள் கழிந்த பிறகுதான் மீண்டும் கருத்தரிக்க வேண்டும் என உலக சுகாதார நிறுவனம் (டபிள்யூஎச்ஓ) பரிந்துரை செய்கிறது. இதை மறுபரிசீலனை செய்ய வேண்டிய அவசியம் ஏற்பட்டுள்ளதுÕÕ என சொஹினீ பட்டாச்சார்யா தெரிவித்துள்ளார்.

ரபீக் · ரபீக் Wed 11 Aug 2010 - 12:18

தகவலுக்கு நன்றி நண்பரே

கருச்சிதைவு ஏற்பட்ட பிறகு 6 மாதத்தில் கருத்தரிக்கலாம்

கருச்சிதைவு ஏற்பட்ட பிறகு 6 மாதத்தில் கருத்தரிக்கலாம்

Re: கருச்சிதைவு ஏற்பட்ட பிறகு 6 மாதத்தில் கருத்தரிக்கலாம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக