பால் பவுடர், வெண்ணெய் இறக்குமதிக்கு தடை விதிக்க வேண்டும்: பாஜக

நவீன் · நவீன் Wed Aug 11, 2010 10:33 am

சென்னை,

பால் பவுடர், வெண்ணெய் இறக்குமதிக்கு தடை விதிக்க வேண்டும் என்று தமிழக
பாஜக துணைத் தலைவர் எச். ராஜா கோரிக்கை விடுத்தார்.இது குறித்து செவ்வாய்க்கிழமை அவர் செய்தியாளர்களிடம் கூறியது:ஏற்றுமதிக்கு
அனுமதி அளிக்கப்பட்டதன் காரணமாக கால்நடை தீவனங்களின் விலை இரண்டு, மூன்று
மடங்கு அதிகரித்துள்ளது. அதே நேரத்தில் பால் பவுடர், வெண்ணெய் போன்ற பால்
பொருள்களின் இறக்குமதிக்கு மத்திய அரசு அனுமதி அளித்துள்ளது. இதனால்
உள்நாட்டில் உற்பத்தியாகும் பால் பொருள்களின் விற்பனை வெகுவாக
பாதிக்கப்படும். எனவே, தீவனங்களின் ஏற்றுமதிக்கும், பால் பவுடர்,
வெண்ணெய் போன்ற பால் பொருள்களின் இறக்குமதிக்கும் மத்திய அரசு தடை விதிக்க
வேண்டும். சிறுபான்மை மாணவர்களுக்கு வழங்கப்படுவதுபோல இந்து
மாணவர்களுக்கும் கல்வி உதவித் தொகை வழங்கக்கோரி தமிழகம் முழுவதும்
மாவட்டத் தலைநகரங்களில் ஆர்ப்பாட்டங்களை பாஜக நடத்தியது. அதற்கு மக்களிடம்
மிகப்பெரிய வரவேற்பு கிடைத்துள்ளது. நாகர்கோவிலில் நடைபெற்ற
ஆர்ப்பாட்டத்தில் 1 லட்சம் பங்கேற்றனர். இதே கோரிக்கைக்காக தொடர்ந்து
போராட்டம் நடத்த பாஜக முடிவு செய்துள்ளது. அடுத்த கட்ட போராட்டம் குறித்து
விரைவில் முடிவு செய்யப்படும். கூட்டணி குறித்து பாஜக கவலைப்படவில்லை.
கட்சியை பலப்படுத்துவதுதான் எங்களின் முக்கிய நோக்கமாக உள்ளது. அதற்கான
பணிகளில் தீவிரமாக ஈடுபட்டுள்ளோம்.மேலிடத்தில் இருந்து சமிக்ஞை
வராமல் ஈ.வி.கே.எஸ். இளங்கோவன் திமுகவை விமர்சனம் செய்ய மாட்டார். எனவே,
திமுக - காங்கிரஸ் கூட்டணி நீண்ட காலத்துக்கு நிலைக்கும் என்று
தோன்றவில்லை என்றார் எச். ராஜா.

பால் பவுடர், வெண்ணெய் இறக்குமதிக்கு தடை விதிக்க வேண்டும்: பாஜக

பால் பவுடர், வெண்ணெய் இறக்குமதிக்கு தடை விதிக்க வேண்டும்: பாஜக

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக