வன்னி காட்டுக்குள் விடுதலைப்புலிகள் திடீர் கொரில்லா தாக்குதல்

வன்னி காட்டுக்குள் விடுதலைப்புலிகள் திடீர் கொரில்லா தாக்குதல்: சிங்கள வீரர்கள் காயம்

முல்லைத்தீவு, ஜூலை. 25- இலங்கையில் கடந்த ஏப்ரல், மே மாதங்களில் நடந்த கடுமையான சண் டையில் விடுதலைப்புலி களை முழுவதுமாக அழித்து விட்டதாக சிங்கள ராணுவம் சொல்கிறது.

ஆனால் போர் உச்சக்கட்டத்தை எட்டியதும் விடுதலைப்புலிகள் சிறு சிறு குழுக்களாக பிரிந்து தப்பி சென்று விட்டதாக ஒரு தகவல் வெளியானது.

விடுதலைப்புலிகள் விரைவில் கொரில்லா தாக்கு தலை கடை பிடிப்பார்கள் என்று நிபுணர்கள் கருத்து தெரிவித்தனர். அதை உறுதிப்படுத்துவது போல வன்னியில் விடுதலைப்புலிகள் திடீர், திடீரென கொரில்லா தாக்குதலில் ஈடுபட தொடங் கியுள்ளனர்.

சில தினங்களுக்கு முன்பு முல்லைத்தீவு ஓட்டு சுட்டான் பகுதியில் நடந்த தாக்குதலில் ஒரு ராணுவ கேப்டன் மற்றும் 3 வீரர்கள் பலியானார்கள். அதன் பிறகு விடுதலைப்புலிகள் தரப்பில் இருந்து வேறு எந்த தாக்குதலும் நடத்தப்படாமல் இருந்தது.

இந்த நிலையில் நேற்று வன்னிப் பிரதேச காட்டுப்பகுதி ஒன்றுக்குள் சில ராணுவ வீரர்கள் சென்றனர். அவர்கள் மீது விடுதலைப்புலிகள் அதிரடி கொரில்லா தாக்குதலை நடத்தினார்கள். இதில் ஏராளமான சிங்கள ராணுவ வீரர்கள் காயம் அடைந்தனர்.

அவர்களை விமானம் மூலம் பலாலி ராணுவ மருத்துவமனைக்கு கொண்டு சென்றனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

சிங்கள அரசின் கடும் தணிக்கை, கட்டுப்பாடு காரணமாக விடுதலைப்புலிகள் நடத்திய கொரில்லா தாக்குதல்கள் பற்றிய முழு விபரமும் வெளியில் தெரி யாமல் போய் விடுகிறது.

ஏன் சிங்கள அரசு இதையும் மறைக்கிறது

ஜனாதிபதி தேர்தல் வருகிறது

விடுதலைப் புலிகளுக்கெதிரான ,இறுதிக் கட்ட போரின் போது இராணுவத்திலிருந்து தப்பிச் சென்று, சரத் பொன்சேகாவின் உத்தரவின் பேரில் சிறைவைக்கப்பட்ட சிப்பாய்களை உடனடியாக விடுதலை செய்வதற்கு ஜனாதிபதி மஹிந்த ராஜபக்ஷ தீர்மானித்துள்ளார். விடுதலைப் புலிகளுக்கெதிரான போர் உக்கிரமடைந்திருந்த காலகட்டத்தில், ராணுவத்திலிருந்து பெரும் எண்ணிக்கையிலான சிப்பாய்கள் தப்பிச் செல்வது பாரிய பிரச்சினையாக உருவெடுத்திருந்தது.

இவ்வாறு ராணுவத்திலிருந்து தப்பிச் செல்வோரின் எண்ணிக்கையைத் தடுப்பதற்கு அந்நாள் ராணுவத் தளபதி சரத் பொன்சேகா இறுக்கமான ராணுவச் சட்டத்தை அமுல்படுத்தியிருந்தார். அதற்கமைய ,ராணுவத்திலிருந்து தப்பிச் சென்ற சுமார் 1,700 ,ராணுவச் சிப்பாய்கள் சரத் பொன்சேகாவின் உத்தரவின் பேரில் சிறைவைக்கப்பட்டனர். ராணுவத்திலிருந்து தப்பிச் சென்றவர்கள் பாரிய குற்றச்செயல்களுடன் தொடர்புபட்டிருப்பதாக ஊடகங்களில் மூலம் குற்றஞ்சாட்டப்படுவதால் ராணுவத்திலிருந்து தப்பிச் செல்வோருக்கெதிராக கடும் நடவடிக்கை எடுக்கப்படும் என அந்தச் சந்தர்ப்பத்தில் சரத்பொன்சேகா கூறியிருந்தார்.

இவ்வாறு சிறைவைக்கப்பட்டுள்ள ராணுவச் சிப்பாய்களின் உரிமைகளுக்காகப் போராடுவதற்காக அவரவர் குடும்ப அங்கத்தவர்கள் ஒன்றிணைந்த கூட்டணியொன்று கடந்த காலத்தில் உருவெடுத்திருந்தது. இந்தக் கூட்டணி, நீதி மற்றும் மறுசீரமைப்பு அமைச்சர் மிலிந்த மொரகொடவைச் சந்தித்து, சிறைவைக்கப்பட்டுள்ள இராணுவச் சிப்பாய்களை விடுவிக்க கோரியுள்ளது.

இதுதொடர்பாக அமைச்சர் மிலிந்த மொரகொடவிற்கும் பாதுகாப்புச் செயலருக்கும் இடையே இடம்பெற்ற பேச்சுவார்த்தையை அடுத்து சிறைவைக்கப்பட்டுள்ள இராணுவச் சிப்பாய்களுக்கு பொதுமன்னிப்பு வழங்கி, உடனடியாக விடுவிக்க ஜனாதிபதி தீர்மானித்துள்ளார்.

தடுத்து வைக்கப்பட்டுள்ள ,ராணுவச் சிப்பாய்களும், அவர்களின் குடும்ப அங்கத்தவர்களும் எதிர்வரும் ஜனாதிபதி தேர்தலின் போது ஜனாதிபதிக்கு ஆதரவுவழங்குவதாக அந்தக் கூட்டணி உறுதிமொழிவழங்கியதைத் தொடர்ந்து பாதுகாப்புச் செயலர், ஜனாதிபதியுடன் கலந்துரையாடி அவர்களுக்கு பொது மன்னிப்பு வழங்கி விடுதலை செய்ய தீர்மானிக்கப்பட்டுள்ளதாக எமக்குத் தகவலளித்த ,ராணுவ அதிகாரி தெரிவித்தார்.

தெற்கில் இடம்பெற்றுவரும் பெருமளவிலான குற்றச் செயல்களுடன் இராணுவத்திலிருந்து தப்பிச் சென்ற சிப்பாய்கள் தொடர்புபட்டிருப்பதாக ஊடகங்களில் செய்திகள் தொடர்ந்தும் வெளிவரும் நிலையில், எதிர்வரும் ஜனாதிபதித் தேர்தலின் நலன்கருதி மஹிந்த ராஜபக்ஷ இவ்வாறான தீர்மானத்தை எடுத்துள்ளார் என அந்த அதிகாரி மேலும் குறிப்பிட்டார்.