டாஸ்மாக்' கடைகள் திறந்திருக்கும்: தமிழக அரசு

நவீன் · நவீன் Wed Aug 11, 2010 10:29 am

திருவல்லிக்கேணியில் உள்ள ஒரு டாஸ்மாக் கடையில் செவ்வாய்க்கிழமை இரவு நீண்ட வரிசையில் நின்ற கூட்டம்.

சென்னை,
சென்னை உள்பட தமிழகம் முழுவதும் "டாஸ்மாக்' கடைகளை திறந்து வைக்க அரசு நடவடிக்கை எடுத்துள்ளது.
எட்டு மணி நேர வேலை, பணி நிரந்தரம் உள்ளிட்ட கோரிக்கைகளை வலியுறுத்தி,
"டாஸ்மாக்' ஊழியர்கள் புதன்கிழமை வேலை நிறுத்தப் போராட்டத்தில் ஈடுபடப்
போவதாக அறிவித்துள்ளனர். இந்த நிலையில், கடைகளை திறந்து வைக்க
தமிழக அரசு பல்வேறு நடவடிக்கைகளை எடுத்துள்ளது. காவல் துறையினரின்
உதவியுடன் இந்தப் பணி மேற்கொள்ளப்படும் என அரசுத் துறை வட்டாரங்கள்
தெரிவிக்கின்றன. இதுகுறித்து, தலைமைச் செயலக அதிகாரிகள் கூறியது: சென்னை
உள்பட தமிழகம் முழுவதும் 6 ஆயிரத்து 700 மதுபானக் கடைகள் உள்ளன.
பணியாளர்கள் வேலை நிறுத்தம் செய்து கடைகளுக்கு வராமல் இருந்தால், அந்தக்
கடைகளை இயக்குவதில் அரசுக்கு எந்தப் பிரச்னையும் இல்லை. ஆள் பற்றாக்குறை
ஏற்படும் பட்சத்தில் மாற்றுத் துறைகளில் உள்ள பணியாளர்களையும் ஈடுபடுத்த
அரசு நடவடிக்கை எடுத்துள்ளது என்று தெரிவித்தனர். எனவே, தமிழகம்
முழுவதும் டாஸ்மாக் கடைகள் புதன்கிழமை திறந்திருக்கும் எனத் தெரிகிறது.
முன்னதாக, மது விற்பனை இருக்காது என்ற எண்ணத்தில் சென்னை உள்பட
தமிழகத்தின் பல்வேறு பகுதிகளில் செவ்வாய்க்கிழமை இரவு டாஸ்மாக் கடைகளில்
வழக்கத்துக்கு மாறாக கூட்டம் நிரம்பி வழிந்தது.

டாஸ்மாக்' கடைகள் திறந்திருக்கும்: தமிழக அரசு

டாஸ்மாக்' கடைகள் திறந்திருக்கும்: தமிழக அரசு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக