முக்கிய அரசியல் தலைவர்களுக்கு ஆபத்து!

நவீன் · நவீன் Wed Aug 11, 2010 10:24 am

புது தில்லி,

முக்கிய அரசியல் தலைவர்கள் மற்றும் மிக மிக முக்கிய பிரமுகர்கள்
மீது தாக்குதலை நடத்துவதற்கு நக்ஸலைட்டுகள் உள்ளிட்ட தீவிரவாதிகள்
திட்டமிட்டுள்ளதாக மக்களவையில் மத்திய அரசு செவ்வாய்க்கிழமை
தெரிவித்துள்ளது. முக்கியமான அரசியல் தலைவர்களையும், மிக மிக
முக்கிய பிரமுகர்களையும் தாக்குவதை இலக்காகக் கொண்டு அதற்கான சதித்
திட்டத்தை நக்ஸலைட்கள் வகுத்துவருவதாக தகவல் கிடைத்துள்ளதாகவும் மத்திய
உள்துறை இணை அமைச்சர் எம்.ராமச்சந்திரன் கூறினார். முக்கிய
தலைவர்கள் மீது நக்ஸலைட்கள் உள்ளிட்ட தீவிரவாத அமைப்புகள் தாக்குவதற்கு
அதிகமான வாய்ப்புள்ளது. இதை உளவுத் துறை மற்றும் பாதுகாப்பு
அமைப்புகளிடம் இருந்து பெறப்பட்ட தகவல்கள் உறுதிபடுத்துகின்றன என்றும்
அவர் தெரிவித்தார். உளவுத் துறையின் இத்தகவலை மத்திய அரசு
சாதாரணமாக எடுத்துக் கொள்ளவில்லை. தீவிரமாக கவனத்தில்
எடுத்துக்கொண்டுள்ளது. எந்த எந்த தலைவர்களை எல்லாம் பயங்கரவாதிகள்
குறிவைத்துள்ளதாக தகவல் கிடைத்துள்ளதோ அவர்களுக்கான பாதுகாப்பு மறு ஆய்வு
செய்து மாற்றி அமைக்கப்பட்டுள்ளது. அவர்களை பயங்கரவாதிகள் நெருங்க முடியாத
அளவுக்கு பாதுகாப்பு பலப்படுத்தப்பட்டுள்ளது. முக்கிய தலைவர்களை
பயங்கரவாதிகள் குறிவைத்துள்ளது தொடர்பாக கிடைத்த தகவல்கள் சம்பந்தப்பட்ட
மாநில அரசுகளிடமும், யூனியன் பிரதேசங்களிடமும் பரிமாறிக்கொள்ளப்பட்டுள்ளது. பயங்கரவாத
அச்சுறுத்தல் உள்ள தலைவர்களுக்கு உரிய பாதுகாப்பை அளிக்குமாறு மாநில
அரசுகள் மற்றும் யூனியன் பிரதேசங்களிடம் அறிவுறுத்தப்பட்டுள்ளது என்றும்
ராமச்சந்திரன் தெரிவித்தார். ஆனால் எந்த எந்த தலைவரை பயங்கரவாதிகள் தாக்கத் திட்டமிட்டுள்ளனர் என்ற விவரத்தை அமைச்சர் ராமச்சந்திரன் தெரிவிக்கவில்லை.

முக்கிய அரசியல் தலைவர்களுக்கு ஆபத்து!

முக்கிய அரசியல் தலைவர்களுக்கு ஆபத்து!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக