இன்போசிஸ் நிறுவனம் ஒரு திருட்டு காயலான் கடை : அமெரிக்க செனட்டர் பாய்ச்சல்

நவீன் · நவீன் Wed Aug 11, 2010 10:18 am

நியூயார்க் :

இன்போசிஸ் போன்ற இந்திய
ஐ.டி. முண்ணணி நிறுவனங்களை திருட்டு கார்களிலிருந்து பாகங்களை
பிரித்தெடுத்து விற்கும் காயலான் கடைகளுக்கு ஒப்பிட்டு அமெரிக்க செனட்டர்
சார்லஸ் செனட் விவாதத்தின் போது கூறினார். மேலும் பாதுகாப்பற்ற அமெரிக்க -
மெக்சிகோ எல்லை பகுதியை மேம்படுத்த 600 மில்லியன் டாலர் தேவைப்படுவதால்
இன்போசிஸ் போன்ற நிறுவனங்களுக்கு வழங்கப்படும் H1-B விசாக்களின்
கட்டணங்களை அதிகரிக்க வேண்டும் என்றும் கூறியுள்ளார்.
மேலும்
சார்லஸ் பேசும் போது விசா கட்டணங்களை அதிகரிப்பதால் அமெரிக்க
பட்ஜெட்டிலிருந்து பணம் எதையும் எடுக்க தேவையில்லை. மாறாக அதை உயர்ந்த
அமெரிக்க தொழில்நுட்ப பணிகளை பிற நாடுகளில் உள்ள ஊழியர்களை வைத்து குறைந்த
விலையில் முடித்து கொடுக்கும் இன்போசிஸ் போன்ற காயலான் கடைகளில் இருந்து
வாங்கி கொள்ளலாம் என்று குறிப்பிட்டார்.
மேலும்
அமெரிக்க நலனை அடிப்படையாக வைத்து செயல்பட்டு வரும் அமெரிக்க நிறுவனங்களான
இன்டெல், மைக்ரோசாப்ட் போன்றவைகளின் மேல் எவ்வித கூடுதல் சுமையையும் ஏற்ற
கூடாது என்றும் கூறினார். இவ்வித விசாக்கள் மூலம் அமெரிக்கா பயன்
அடைந்தாலும் வெளிநாட்டு நிறுவனங்களே கூடுதல் லாபம் அடைவதாகவும் வேதனை
தெரிவித்தார்.
விவாதத்தின்
போது பேசிய இன்னொரு அமெரிக்க செனட்டர் க்ளரேவும் விப்ரோ, டிசிஎஸ்,
இன்போசிஸ், சத்யம் போன்ற நிறுவனங்கள் H1-B விசாக்களை நம்பி இருப்பதாகவும்,
எந்நிறுவனங்களில் 50 சதவிகிதத்திற்கும் குறைவாக அமெரிக்கர்கள் வேலை
செய்கிறார்களோ அந்நிறுவனங்களின் மேல் கூடுதல் வரியை விதிக்க வேண்டும்
என்றும் கூறியுள்ளார்.

இன்போசிஸ் நிறுவனம் ஒரு திருட்டு காயலான் கடை : அமெரிக்க செனட்டர் பாய்ச்சல்

இன்போசிஸ் நிறுவனம் ஒரு திருட்டு காயலான் கடை : அமெரிக்க செனட்டர் பாய்ச்சல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக