வேலை நிறுத்தத்தை முறியடிக்க அரசு தீவிரம்

நவீன் · நவீன் Wed Aug 11, 2010 10:09 am

காஞ்சிபுரம்,
காஞ்சிபுரம் மாவட்டத்தில் டாஸ்மாக் ஊழியர்கள் புதன்கிழமை நடத்தவுள்ள
போராட்டத்தை முறியடிக்கும் பணிகள் செவ்வாய்க்கிழமை தீவிரமாக நடந்தன.
டாஸ்மாக் ஊழியர்களிடம் இருந்து கடையின் சாவி, மற்றும் கணக்கு வழக்குகள்
பெறப்பட்டன.காஞ்சிபுரம் மாவட்டத்தில் 296 டாஸ்மாக் கடைகள் உள்ளன.
இக் கடைகளில் 1150 பணியாளர்கள் பணிபுரிகின்றனர். டாஸ்மாக் ஊழியர்கள்
தங்களுக்கு 8 மணி நேர வேலை, வார விடுமுறை, அரசு ஊழியர்களுக்கு இணையான
ஊதியம் உள்ளிட்ட பல்வேறு கோரிக்கைகளை வலியுறுத்தி வேலை நிறுத்தப்
போராட்டம் அறிவித்துள்ளனர்.இந்த வேலை நிறுத்தப் போராட்டத்தை
முறியடிக்க அரசு தீவிரம் காட்டி வருகிறது. காஞ்சிபுரம் மாவட்டத்தை 18
பிரிவுகளாகப் பிரித்து ஒவ்வொரு பிரிவுக்கும் ஒரு டாஸ்மாக் அதிகாரி, சில
போலீஸôர் என நிர்ணயித்து அவர்களுக்கு அரசு வாகனங்கள் வழங்கப்பட்டன.
இவர்கள் 296 கடைகளுக்கும் சென்று, கடைகளின் சாவி, கணக்கு வழக்கு விவரங்கள்
மற்றும் மதுபானங்கள் இருப்பு நிலவரம் ஆகியவற்றை பெற்றனர்.இதுகுறித்து டாஸ்மாக் அதிகாரிகள் சிலரிடம் கேட்டபோது, ""டாஸ்மாக் ஊழியர்கள் புதன்கிழமை வேலை நிறுத்தப் போராட்டம் அறிவித்துள்ளனர். அன்றைய
தினம் கடைகளை நடத்துவதற்காக சாவிகளை வாங்கி வருகிறோம். சிலர் நாங்கள்
வேலைக்கு வருகிறோம் என்று கூறிவிட்டு வேலை நிறுத்தத்தில் பங்கேற்க
வாய்ப்புள்ளது. அதனால் அனைவரிடம் இருந்தும் சாவியை வாங்கி வைத்துள்ளோம்.
வழக்கமாக வேலைக்கு வருபவர்கள் வந்தால் அவரிடம் சாவி ஒப்படைக்கப்படும்.
அவர்கள் வராவிட்டால் வேலைக்கு வந்துள்ளவர்களை நிரவி கடைகளை நடத்த முடிவு
செய்துள்ளோம் என்றார்.வேலைக்கு வராத டாஸ்மாக் பணியாளர்கள் மீது
நடவடிக்கை ஏதாவது இருக்குமா என்று கேட்டதற்கு, அது குறித்து அரசுதான்
முடிவு செய்ய வேண்டும் என்றார்.

வேலை நிறுத்தத்தை முறியடிக்க அரசு தீவிரம்

வேலை நிறுத்தத்தை முறியடிக்க அரசு தீவிரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக