பிளஸ் 2 பயாலஜி தேர்வில் ஐந்து மதிப்பெண் வழங்க தனி நீதிபதி உத்தரவிட்டது சரியே :

நவீன் · நவீன் Wed Aug 11, 2010 8:38 am

துரை :

பிளஸ் 2 பயாலஜி தேர்வில் விலங்கியல் பிரிவில் 32வது கேள்வியை
மறுமதிப்பீடு செய்து மாணவர்களுக்கு, ஐந்து மதிப்பெண் வழங்க தனி நீதிபதி
உத்தரவிட்டது சரியே, என மதுரை ஐகோர்ட் டிவிஷன் பெஞ்ச் உத்தரவிட்டது.
நெல்லை நீதுசண்முகி உட்பட சில மாணவர்கள் தாக்கல் செய்த ரிட் மனு: கடந்த
மார்ச்சில் நடந்த பிளஸ் 2 "பயாலஜி' தேர்வில் விலங்கியல் பிரிவில் 32 வதாக
கேட்கப்பட்ட "மனித குரோமோசோம்களின் தொகுப்பு வரைபடத்தை, விவரி குறித்த
ஐந்து மதிப்பெண் கேள்விக்கு சரியான விடை எழுதினோம். தவறான விடை
அடிப்படையில் திருத்தி மதிப்பெண் போடப்பட்டது. இதனால், ஐந்து மதிப்பெண்கள்
குறைந்தன. இந்த மதிப்பெண்கள் கூடுதலாக வழங்கி, எம்.பி.பி.எஸ்.,
கவுன்சிலிங்கில் கலந்து கொள்ள உத்தரவிட வேண்டும், என தெரிவிக்கப்பட்டது.
நீதிபதி ஆர்.எஸ்.ராமநாதன், ""மனுதாரர்களுக்கு ஐந்து மதிப்பெண்கள் கூடுதலாக
வழங்க வேண்டும்,'' என்றார். இந்த உத்தரவை எதிர்த்து, அரசு தேர்வு துறை
இயக்குனர், மேல்நிலைபள்ளி தேர்வு துறை செயலாளர், முதன்மை கல்வி அலுவலர்,
மருத்துவ கல்வி இயக்குனர் மேல் முறையீடு செய்தனர்.
நீதிபதிகள் கே.சுகுணா, சி.எஸ்.கர்ணன் கொண்ட பெஞ்ச் பிறப்பித்த உத்தரவு:
மேல்முறையீடு மனுதாரர்கள், மாதிரி விடை, பாடநூலிலுள்ள பாடத்தின்
அடிப்படையில் கொடுக்கப்பட்டது எனவும், கேள்வி அமைப்பில் எந்த தவறும் இல்லை
எனவும் தெரிவிக்கின்றனர். தனி நீதிபதி, வல்லுனர்கள் கருத்துக்களின்படி
உத்தரவிட்டுள்ளார். வல்லுனர்கள் கொடுக்கப்பட்ட மாதிரி விடை முழுமையாக
சரியானது அல்ல என தெரிவித்துள்ளனர். கேள்வி அமைப்பில் குழப்பங்கள் இல்லை.
கேட்கப்பட்ட கேள்வி சரி. கேள்விக்கான விடை சரியானதல்ல. இக்கருத்தின்படி
தனி நீதிபதி மறுமதிப்பீடு செய்து, மதிப்பெண் வழங்க உத்தரவிட்டார்.
சுப்ரீம் கோர்ட், ஏற்கனவே ஒரு வழக்கில், மாதிரி விடை தவறாக இருக்கும்
போது, முழு மதிப்பெண் கொடுக்கும்படி உத்தரவிட்டுள்ளது. எனவே மாணவர்களுக்கு
ஐந்து மதிப்பெண் கொடுக்கப்பட வேண்டும் என்பது எங்கள் கருத்து.
மேல்முறையீடு மனுதாரர்கள், விலங்கியல் பிரிவு 32வது கேள்வியை மூன்று
நாட்களுக்குள் மறுமதிப்பீடு செய்து, மதிப்பெண் வழங்க வேண்டும். மாணவர்கள்,
கட்ஆப் மேல் பெற்றால் அவர்களை மருத்துவ கவுன்சிலிங் அனுமதிப்பது குறித்து
பரிசிலீக்க வேண்டும். தாவரவியல் பிரிவில் 23 கேள்விக்கு ஒரு மதிப்பெண்
கொடுக்கும் தனி நீதிபதி உத்தரவு ரத்து செய்யப்படுகிறது, என தெரிவித்தனர்.

பிளஸ் 2 பயாலஜி தேர்வில் ஐந்து மதிப்பெண் வழங்க தனி நீதிபதி உத்தரவிட்டது சரியே :

பிளஸ் 2 பயாலஜி தேர்வில் ஐந்து மதிப்பெண் வழங்க தனி நீதிபதி உத்தரவிட்டது சரியே :

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக