அழகான கால்களுக்கு...

by **சிவா** Tue Oct 14, 2008 11:17 pm

கால்கள் பராமரிப்பிற்கான டிப்ஸ் :

* காலணியை தேர்ந்தெடுக்கும் போது, அழகாக இருக்கிறதா என்று மட்டும் பார்க்காமல், தரமானதா என்றும் பார்த்து வாங்கவும்.

* பிளாஸ்டிக், ரெக்சின் வகை காலணிகளை அணிந்தால், கால்களில் தழும்பு உண்டாகலாம். எனவே, அவற்றை தவிர்ப்பது நல்லது.

* நகங்களை வட்டமாக வெட்டினால், ஓரத்தில் அழுக்கு சேர்ந்து வலி ஏற்படும். சதுர வடிவில் வெட்டினால் அழுக்கு சேராது. சீராகவும் இருக்கும்.

* பெரும்பாலான பெண்கள் ஹை ஹீல்ஸ் காலணிகளையே பயன்படுத்துகின்றனர். இந்த காலணிகளை போட்டு நடக்கும் போது சிறிது இடறினாலும் கால்களில் பிடிப்பு ஏற்படும். மேலும், முதுகு வலி வருவதற்கும் அதிக வாய்ப்புண்டு. எனவே, ஹை ஹீல்ஸ் அணிவதை தவிர்த்து விடுவது நல்லது.

* ஷூ உபயோகிப்பவர்கள் மிகவும் இறுக் கமான ஷூக்களை பயன்படுத்த வேண் டாம். சாக்சை தினமும் துவைத்து பயன்படுத்த வேண்டும். இதன்மூலம் கால்களில் ஏற்படும் தேவையற்ற துர்நாற்றத்தையும், தோல் வியாதிகளையும் தவிர்க்கலாம்.

* தேன் அல்லது கிளிசரினை ஒரு அகன்ற பாத்திரத்தில் ஊற்றி, அதில் நகங்கள் படுமாறு கால்களை வைக்கவும். இதனால் நகங்களை சுற்றி இருக்கும் தேவையற்ற சதைகள் நீங்கும்.

by **சிவா** Tue Oct 14, 2008 11:17 pm

கால்களில் உள்ள கருமை நீங்க வேண்டுமா...

நீண்ட நேரம் வெயிலில் அலைபவர்களுக்கு கால்கள் கருப்பாக இருக்கும். கால்களுக்கான, "ப்ளீச்' மற்றும் இதற்கென விற்கப்படும் பிரத்யேக கிரீம்களை பயன்படுத்தினால், கொஞ்சம் கொஞ்சமாக கருமையை நீக்கலாம். அரோமா எண்ணெய் மற்றும் யூக்கலிப்டஸ் ஆயில் ஆகியவற்றை தினமும் கால்கள் மற்றும் பாதங்களில் தடவி வந்தாலும் புத்துணர்ச்சி கிடைக்கும்.

கால்களில் ஏற்படும் வலிகள் நீங்க...

* முல்தானி மட்டி, பன்னீர், தூள் உப்பு ஆகியவற்றை கலந்து கால், பாதம், உள்ளங்கால் என எல்லா இடங்களிலும் தடவி மசாஜ் செய்தால் கால்வலி ஓடிப்போகும்.

* விளக்கெண்ணெயில் மஞ்சள் தூளை குழைத்து கால்களில் உள்ள சேற்றுப்புண்ணில் தடவினால், வலி நீங்கி விரைவில் குணமாகும்.

* அதிக நேரம் பயணம் செய்பவர்கள், நின்று கொண்டே வேலை செய்பவர்கள், டென்ஷன் மிகுந்த வேலை செய்பவர்கள் போன்றவர்களுக்கு கால்களில் நரம்பு சுற்றிக் கொண்டு வலி உண்டாகும். இதற்கு வெரிகோஸ் வெயின் என்று பெயர். "தெரபெடிக் பெடிக்கியூர்' எனும் அகச்சிவப்பு ஒளி பாய்ச்சுவதன் மூலம் வலியை குறைக்கலாம். மூட்டுவலி, கால் குடைச்சல் உள்ளவர்களும் இந்த சிகிச்சையை மேற்கொள்ளலாம்.

by **சிவா** Tue Oct 14, 2008 11:18 pm

பித்தவெடிப்பு மறைய செய்ய வேண்டியவை...

* இரவில் தூங்குவதற்கு முன் பாதங்களில் பெட்ரோலியம் ஜெல் லியை தடவலாம். இதனால் பித்தவெடிப்பு நீங்கி பாதங்கள் மிருதுவாகும்.

* ஒரு அகலமான பாத்திரத்தில் வெந்நீர் எடுத்து கொள்ளவும். அதில் சிறிதளவு உப்பு போட்டு, பாதங்கள் மூழ்கும் படி சிறிது நேரம் வைத்திருந்தால், கால்களில் உள்ள கெட்ட செல்கள் நீங்கி, பித்த வெடிப்பும் மறையும்.

* வெந்நீரில் கால் களை நன்றாக கழுவி விடுங்கள். பிறகு தேங் காய் எண்ணெயை கொண்டு லேசாக மசாஜ் செய்யவும். இதன் மூலம் பித்த வெடிப்பினால் உண்டாகும் வலி குறையும்.

* பன்னீர் மற்றும் கிளிசரின் கலவையை தொடர்ந்து தடவி வந்தால், பித்தவெடிப்பு காணாமல் போகும்.

* விளக்கெண்ணெயில் மாசிக்காய் மற்றும் கடுக்காய் பொடியை குழைத்து தடவினால் பித்தவெடிப்பு குணமாகும்.
மேற்கூறிய முறைகளை தொடர்ந்து செய்து வந்தால், உங்க முகம் போல கால்களும் பளிச்சென மின்னும்.

by **சிவா** Tue Oct 14, 2008 11:19 pm

தொற்று ஏற்படாமலிருக்க...

மழைக்காலம் ஆரம்பிக்கப் போகுது. சாலையில் தேங்கி நிற்கும் மழை நீரில் உள்ள கிருமிகளால், நம் கால்கள் அதிகளவில் பாதிக் கப்படும். எனவே, கனுக் காலை மறைக்கிற வகையில் கட்-ஷூக்களை பயன் படுத்தலாம். தினமும் இரவு படுக்க போவதற்கு முன், கால் களை நன்கு கழுவி, சுத்தம் செய்த பிறகே, தூங்க செல்ல வேண்டும். இதன் மூலம் கால்களில் கிருமிகள் தொற்று ஏற்படாமல் தவிர்க்கலாம்.

by gladish Wed Sep 28, 2011 3:55 pm

காலில் உள்ள பித்த வெடிப்புக்கு விளக்கெண்ணை மற்றும் மெலுகு கலந்து தடவினால் இருந்த இடம் தெரியாமல் போய்விடும்.

உங்கள் தோழி
கிளாடிஷ்
பெங்களூரு சூப்பருங்க

by **Manik** Wed Sep 28, 2011 3:56 pm

நன்றி அண்ணா அன்பு மலர்

by ரேவதி Wed Sep 28, 2011 4:01 pm

gladish wrote:காலில் உள்ள பித்த வெடிப்புக்கு விளக்கெண்ணை மற்றும் மெலுகு கலந்து தடவினால் இருந்த இடம் தெரியாமல் போய்விடும்.

உங்கள் தோழி
கிளாடிஷ்
பெங்களூரு

உங்களை இந்த திரியில் அறிமுகம் செய்து கொள்ளுங்கள் புன்னகை