ராமேஸ்வரம் கோயில் பாதுகாப்பை பலப்படுத்த கண்காணிப்பு கேமரா

நவீன் · நவீன் Wed Aug 11, 2010 8:30 am

ராமேஸ்வரம் :
ராமேஸ்வரத்தில் நகர் மற்றும் ராமநாதசுவாமி கோயில்
பாதுகாப்பை பலப்படுத்தும் வகையில் கண்காணிப்பு கேமரா
பொருத்தப்பட்டுள்ளது. ராமேஸ்வரம் ராமநாதசுவாமி கோயிலை சுற்றியும்,
அக்னிதீர்த்தக்கடற்கரை மற்றும் நடுத்தெரு, கடைத்தெரு பகுதிகளை
கண்காணிக்கும் வகையில் இப்பகுதியில் கண்காணிப்பு கேமராக்கள் பொருத்தப்
பட்டன. இதையொட்டி அக்னிதீர்த்தக்கடற்கரையில் இரண்டு , கோயில் கிழக்கு
நுழைவு வாயில் முன் ஒன்று,திட்டகுடி நான்குமுனை சந்திப்பில் ஒன்று என
நான்கு கேமராக்கள் பொருத்தப்பட்டடுள்ளன. பல லட்சம் ரூபாய் மதிப்பில்
பொருத் தப் பட்ட இக்கேமராக்களில் பதிவாகும் காட்சிகள், ராமேஸ்வரம்
டி.எஸ்.பி., அலுவலகம் மற்றும் கோயில் போலீஸ் ஸ்டேஷனில் வைக்கப்பட்டுள்ள
எல்.சி.டி.திரையில் தெரியும். இதை கண்காணித்துக் கொண்டிருக்கும் போலீசார்,
மைக்மூலம் சம்பந்தபட்ட ஏரியாவில் உள்ள போலீசாருக்கு தேவையான தகவல்களை
கொடுத்து துரித நடவடிக்கை எடுக்க முடியும்.
கடற்கரையில் பக்தரிடம் ஒருவர் திருடுவதை கேமராவில் பதிவு
செய்யப்பட்டால் உடனடியாக திருடனை பிடிக்கவும், அங்கிருந்து தப்பி
விட்டாலும் தேடிப்பிடிக்கவும் முடியும். மேலும் வாகனங்களின் இயக்கத்தையும்
கண்காணித்து போக்குவரத்தையும் சீர்படுத்த முடியும். ஒரு மாத காட்சிகளை
பதிவு செய்து வைத்துக் கொள்ளும் திறன் இருப்பதால் ,ஒரு காட்சியை ரீப்ளே
செய்தும் குற்றவாளிகளை கண்டுபிடிக்க முடியும். முதல் கட்டமாக நான்கு
கேமராக்கள் பொருத்தப்பட்டுள்ள நிலையில் விரைவில் மேலும் பல்வேறு இடங்களில்
கண்காணிப்பு கேமராக்கள் பொருத்த நடவடிக்கை எடுக்கப்பட்டு வருகிறது.

ராமேஸ்வரம் கோயில் பாதுகாப்பை பலப்படுத்த கண்காணிப்பு கேமரா

ராமேஸ்வரம் கோயில் பாதுகாப்பை பலப்படுத்த கண்காணிப்பு கேமரா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக