உதயநிதியை கைகாட்டிய ஆர்யா

தானுண்டு தன் தோல்வியுண்டு என்று சமத்து பிள்ளையாக இருந்த ஆர்யாவும் தன் பங்குக்கு குறும்பு பண்ண ஆரம்பித்துவிட்டார். அறிந்தும் அறியாமலும் என்ற ஒரே ஒரு ஹிட்டை வைத்துக் கொண்டு இன்னமும் காலத்தை ஓட்டிக் கொண்டிருக்கிற திறமை ஆர்யாவை தவிர ஒருவருக்கும் வராது. கடைசியாக வந்த மதராச பட்டினம் சென்னை, திருச்சி, கோவை போன்ற நகர்புற ரசிகர்களை மட்டுமே கவர்ந்திருக்கிறது. சற்றே உள்ளே போனால், போஸ்டர் ஒட்டிய பணத்தை கூட ஈட்ட முடியவில்லை என்கிறார்கள் தியேட்டர்காரர்கள். இந்த லட்சணத்தில் அகோரியின் அலட்சியம் ஒரு தயாரிப்பாளரை அழவே வைத்திருக்கிறது.

சிக்குபுக்கு என்ற படத்தை முடித்து ரிலீசுக்கு தயாராக இருக்கிறது அப்படத்தை தயாரித்த மீடியா ஒன் நிறுவனம். ஐந்து நாட்கள் ஆர்யா டப்பிங் பேசினால் படமே ரெடியாகிவிடும். ஆனால் வரமாட்டேன் என்கிறாராம். டப்பிங் பேச அழைத்தால் உதயநிதி ஸ்டாலின்தான் என்னை பாஸ் என்கிற பாஸ்கரன் படத்தை முடித்துவிட்டு சிக்கு புக்கு படத்திற்கு போக சொன்னார் என்று பிளேட்டை திருப்பி போடுகிறாராம். இது தொடர்பாக உதயநிதியிடம் தயாரிப்பாளர் சங்கம் கேட்டபோது நான் அப்படி சொல்லவே இல்லை என்கிறாராம் அவர்.

இப்படி சம்பந்தமே இல்லாமல் வேறொரு விவிஐபி யின் பெயரையும் இதில் நுழைத்து கெட்டப் பெயரை வாங்கி கொடுத்திருக்கும் ஆர்யா மீது பலரும் கோபத்திலிருக்கிறார்கள். அரைகுறை ஹிட்டுக்கே இப்படி ஆட்டம் போட்டால் அடுத்தடுத்து ஹிட் கொடுத்தால் என்னாகும் என்ற அச்சத்திலிருக்கிறது திரையுலகம்.
நன்றி :தமிழ்சினிமா