குறைபிரசவத்தில் பிறந்த குழந்தையை காப்பாற்றிய “பிளாஸ்டிக்” பை

ரபீக் · ரபீக் Tue 10 Aug 2010 - 14:02

இங்கிலாந்து தலைநகர் லண்டனை சேர்ந்தவர் எமிலி (24). இவர் கர்ப்பிணியாக இருந்தார். இந்நிலையில் ரோட்டில் நடந்து சென்ற போது அவருக்கு திடீரென பிரசவவலி ஏற்பட்டது. இதைத்தொடர்ந்து ரோட்டோரம் ஒரு பெண் குழந்தையை பெற்றெடுத்தார்.

ஆனால் அது 14 வாரத்தில் அதாவது குறை பிரசவத்தில் பிறந்ததால் 600 கிராம் எடையே இருந்தது. எனவே அக்குழந்தையை காப்பாற்ற உடனடியாக ஆஸ்பத்திரிக்கு கொண்டு செல்ல வேண்டிய கட்டாய சூழ்நிலை ஏற்பட்டது.

இதைத்தொடர்ந்து ஆம்புலன்ஸ் வரவழைக்கப்பட்டது. ஆனால் குறைபிரசவத்தில் பிறந்த குழந்தைகளை வைக்கும் இன்குபேட்டர் கருவி இல்லை. உடனே ஆம்புலன்சில் வந்தகுழந்தைகள் நல மருத்துவர் டாக்டர் ரோப்டால்சியல் (37) அக்குழந்தையை ஒரு டவல் துணியால் சுற்றினார்.

பின்னர் ஒரு பிளாஸ்டிக்பைக்குள் குழந்தையை பாதுகாப்பாக வைத்து தாயின் கர்ப்பபையில் இருக்கும் வகையில் கதகதப்பை ஏற்படுத்தினார். இதனால் ஆஸ்பத்திரி செல்லும் வரையில் குழந்தை சீராக சுவாசித்து உயிர் பிழைத்தது.

ஆஸ்பத்திரிக்கு சென்றதும் குழந்தையை வெப்ப அறையில் வைத்து தீவிர சிகிச்சை அளித்தனர். 4 மாத சிகிச்சைக்கு பின் அக்குழந்தையை டாக்டர்கள் வீட்டுக்கு அனுப்பி வைத்தனர். தற்போது அந்த குழந்தைக்கு ஷோபி தாம்லின்சன் என பெயரிட்டுள்ளனர்.

ஷோபி உயிர் பிழைத்தது குறித்து தாய் எமிலி கூறும் போது, குறைபிரசவத்தில் ரோட்டோரம் குழந்தை பெற்றேன். ஆம்புலன்சில் இன்குபேட்டர் கருவி இல்லாததால் குழந்தையை காப்பாற்ற முடியாதோ என வருத்தப்பட்டேன்.

ஆனால் டாக்டரின் அதிபுத்திசாலிதனமான யோசனையால் ஷோபி எனக்கு உயிருடன் கிடைத்தாள். இதற்காக டாக்டர் ரோப்பால்சியருக்கு நன்றி தெரிவிக்கிறேன் என்றார்.

நன்றி :மாலைமலர்