பிரிட்டிஷ் தம்பதிக்கு இன்ப அதிர்ச்சி: லாட்டரியில் 80 கோடி பரிசு

by நவீன் Tue Aug 10, 2010 10:03 am

லண்டன்,

லாட்டரி சீட்டில் 80 கோடி பரிசு விழுந்ததை அடுத்து பிரிட்டிஷ் தம்பதியினர் இன்ப அதிர்ச்சியில் மூழ்கி உள்ளனர்.
பிரிட்டனின் மான்செஸ்டரைச் சேர்ந்தவர்கள் பீட்டர் ரெடிகின் (50) மற்றும்
ஜாக்குலின் (48). இவர்கள் இருவரும் தம்பதிகளாவர். இவர்களுக்கு திருமணமாகி
29 ஆண்டுகள் ஆகின்றன. இந்தத் தம்பதியருக்கு 2 மகன்கள் உள்ளனர். பீட்டர் வேலை இல்லாமல் இருந்து வந்தார். அவரது மனைவி கால் சென்டர் ஒன்றில் பணி புரிந்து வந்தார்.
இவர்கள் இருவருக்கும் அடிக்கடி லாட்டரிச் சீட்டு வாங்கும் பழக்கம் உண்டு.
சமீபத்தில் இருவரும் இணைந்து லாட்டரிச் சீட்டு ஒன்றை வாங்கினார்கள். அதன்
முதல் பரிசு 1 கோடியே 10 லட்சம் பவுண்டுகளாகும். இதன் இந்திய மதிப்பு
சுமார் | 80 கோடியாகும். குலுக்கலில் முதல் பரிசு அவர்கள்
இருவருக்கும் விழுந்தது. 2008-ம் ஆண்டுக்கு பிறகு இங்கிலாந்தில் லாட்டரிச்
சீட்டில் இவ்வளவு அதிகத் தொகை விழுவது இதுவே முதல் முறை. இது
குறித்து பீட்டர் ரெடிகின் கூறியது: "என் மனைவியை அலுவலகத்தில்
விட்டுவிட்டு லாட்டரி முடிவுகளைப் பார்த்தேன். 6 இலக்க லாட்டரியான இந்த
பரிசுச் சீட்டில் முதல் பரிசுத் தொகைக்கான எண்ணில் என்னுடைய எண் இருந்ததை
பார்த்து திகைத்துப் போனேன். இன்ப அதிர்ச்சியில் என் மனைவியை தொலைபேசியில் தொடர்பு கொண்டு விவரத்தை கூறினேன். முதலில்
என் மனைவி நான் கூறியதை நம்பவில்லை. பின்னர்தான் அவர் நம்பினார். நாங்கள்
இருவரும் இன்ப அதிர்ச்சியில் இருந்து இன்னமும் மீளவில்லை. புதிய மாடல்
கார் ஒன்று வாங்க வேண்டும் என்பது என்னுடைய நீண்ட நாள் ஆசை. இது வரை அது
நிறைவேறாமல் இருந்தது. இப்போது என் ஆசை நிறைவேறப் போகிறது. மேலும் இந்தப் பணத்தை குடும்ப முன்னேற்றத்துக்காக பயன்படுத்தப் போகிறேன்' என்றார் ரெட்கின்.