6 மாதத்தில் கல்லூரி வாகனங்களில் வேகக்கட்டுப்பாட்டு கருவி பொருத்த வேண்டும்

நவீன் · நவீன் Tue Aug 10, 2010 8:43 am

திருநெல்வேலி :
இன்னும் 6 மாதத்தில் பள்ளி, கல்லூரி வாகனங்களில் வேகக்
கட்டுப்பாட்டு கருவி பொருத்த வேண்டும் என வட்டார துணை போக்குவரத்து ஆணையர்
பாலன் அறிவுரை வழங்கினார்.
நெல்லை வட்டார போக்குவரத்து அலுவலகத்தில் பள்ளி, கல்லூரி தாளாளர்கள்
மற்றும் முதல்வர்களுக்கான ஆலோசனை கூட்டம் நேற்று நடந்தது. கூட்டத்திற்கு
வட்டார துணை போக்குவரத்து ஆணையர் பாலன் தலைமை வகித்து பேசியதாவது:
பள்ளி,கல்லூரி வாகனங்கள் மஞ்சள் கலரில் இருக்க வேண்டும். வாகனங்களின்
முன்புறமும், பின்புறமும் பள்ளி அல்லது கல்லூரி வாகனம் என
எழுதப்பட்டிருக்க வேண்டும். பள்ளியின் பெயர், போன் நம்பர் வாகனங்களின்
இடது, வலதுபுறத்தில் இடம்பெற்றிருக்க வேண்டும். பள்ளி,கல்லூரி வாகனங்களை
ஓட்டும் டிரைவர்களுக்கு குறைந்தபட்சம் 5 ஆண்டுகள் முன் அனுபவம் இருக்க
வேண்டும். வாகனங்களில் தீயணைப்பு கருவி கட்டாயம் இருக்க வேண்டும்.
இன்னும் 6 மாதத்தில் அனைத்து பள்ளி,கல்லூரி வாகனங்களில்
வேகக்கட்டுப்பாட்டு கருவி கட்டாயம் பொருத்த வேண்டும். வாகனங்களில் உள்ள
சீட்டுகளின் எண்ணிக்கையை பொறுத்து குழந்தைகள் எண்ணிக்கை இருக்க வேண்டும்.
குழந்தைகளை ஏற்றி இறக்குவதற்கு உதவியாளர் ஒருவரும் உடன் இருக்க வேண்டும்
என்பன போன்ற பல்வேறு அறிவுரைகளை வழங்கினார்.கூட்டத்தில் வட்டார
போக்குவரத்து அலுவலர் பொன்.செந்தில்நாதன், வட்டார போக்குவரத்து
ஆய்வாளர்கள் ஆனந்த், வெங்கட கிருஷ்ணன், ஆனந்த வேல் மற்றும் பள்ளி கல்லூரி
தாளாளர்கள், முதல்வர்கள் உட்பட பலர் கலந்துகொண்டனர்.>

6 மாதத்தில் கல்லூரி வாகனங்களில் வேகக்கட்டுப்பாட்டு கருவி பொருத்த வேண்டும்

6 மாதத்தில் கல்லூரி வாகனங்களில் வேகக்கட்டுப்பாட்டு கருவி பொருத்த வேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக