வரலாறு காணாத வெயில் சாவு எண்ணிக்கை ரகசியம்

நவீன் · நவீன் Tue 10 Aug 2010 - 10:00

மாஸ்கோ :

ரஷ்யாவில் காட்டுத் தீயால் ஏற்பட்டுள்ள வரலாறு காணாத கடுமையான
புகைமூட்டத்தால், பலியானோர் எண்ணிக்கை இரண்டு மடங்காக அதிகரித்துள்ளது.
ரஷ்யாவில் இதுவரை வரலாறு காணாத அளவுக்கு இந்த ஆண்டு கடுமையான வெயில்
கொளுத்தியது. அதனால் ஏற்பட்ட வெப்பத்தினால் காடுகளில் தீப்பிடித்தது.
கட்டுப்படுத்த முடியாத அளவுக்கு மளமளவென்று பரவிய தீயால், மாஸ்கோ நகரமே
புகைமூட்டத்தில் தத்தளித்து வருகிறது. கடந்த ஜூலை மாத இறுதி வரையில் 52
பேர், புகை மூட்டத்தால் சுவாசிக்க முடியாமல் பலியாகியுள்ளனர்.
இந்நிலையில், புகை மூட்டத்தால் பலியானோர் எண்ணிக்கை இரண்டு மடங்காக
அதிகரித்துள்ளதாக அலக்சாண்டர் செல்ட்சோவ்ஸ்கி என்ற அதிகாரி கூறியதாக,
"இன்டர்பாக்ஸ்' செய்தி நிறுவனம் தகவல் வெளியிட்டுள்ளது.
எனினும், கொளுத்தும் வெப்பம் மற்றும் புகைமூட்டத்தால் எத்தனை பேர்
பலியாகியுள்ளனர் என்ற சரியான தகவலை அந்நாட்டு அதிகாரிகள் கூறவில்லை.
இருப்பினும், இயல்பான நிலையை விட பலி எண்ணிக்கை அதிகரித்து இருக்கலாம்
என்று அஞ்சப்படுகிறது. ஆனால், ஒட்டு மொத்த சாவு எண்ணிக்கையை வெளியிட அரசு
விரும்பவில்லை. மாஸ்கோவிலுள்ள டாக்டர் ஒருவர், கடந்த வாரம் தன்னிடம் வந்த
நோயாளிகள் அனைவரும் உணவு மற்றும் சுவாசப் பிரச்னையால்
பாதிக்கப்பட்டுள்ளதாகத் தெரிவித்தார். அந்நகரில் உள்ள மற்றொரு பெரிய
மருத்துவமனை நிர்வாகம், நோயாளிகளின் நோய்க்கும், வெப்பத்துக்கும் முடிச்சு
போடக்கூடாது என்று டாக்டர்களுக்கு அறிவுறுத்தியுள்ளது.

வரலாறு காணாத வெயில் சாவு எண்ணிக்கை ரகசியம்

வரலாறு காணாத வெயில் சாவு எண்ணிக்கை ரகசியம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக