Latest topics

2வது முறையாக மனைவி கடத்தல் கணவன் போலீஸில் புகார்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

2வது முறையாக மனைவி கடத்தல் கணவன் போலீஸில் புகார்

Post by நவீன் Tue Aug 10, 2010 8:27 am

ஆத்தூர்:
ஆத்தூர் அருகே குழந்தையுடன் மனைவியை இரண்டாவது முறையாக கடத்தி
சென்ற நபர் மீது நடவடிக்கை எடுக்கும்படி கணவர் போலீஸில் புகார் செய்துள்ள
சம்பவம் பரபரப்பை ஏற்படுத்தியுள்ளது.ஆத்தூர் வடக்கு உடையார்பாளையத்தை
சேர்ந்தவர் பெருமாள் (30). அவருக்கு மனைவி ராஜேஸ்வரி (25), மகள் தீபா (1)
உள்ளனர். ஆத்தூர் கோட்டையை சேர்ந்த உறவினர் மணிகண்டன் என்பவருடன்
ரஜேஸ்வரிக்கு "கள்ளத்தொடர்பு' இருந்துள்ளது. கடந்த 5ம் தேதி குழந்தையுடன்
ராஜேஸ்வரியும், மணிகண்டனும் தலைமறைவாகி விட்டனர். கணவர் பெருமாள், ஆத்தூர்
போலீஸில் புகார் செய்துள்ளார். அதில், "ஆத்தூர் கோட்டையை சேர்ந்த
மணிகண்டனுக்கு ரேவதி என்ற பெண்ணுடன் திருமணமாகியுள்ளது. எனது மனைவி
ராஜேஸ்வரியை, மணிகண்டன் கடந்த மார்ச் 10ம் தேதி கடத்தி சென்றார். மனைவி,
குழந்தையை மீட்டோம். தற்போது ஒரு வயது பெண் குழந்தையுடன், மனைவி
ராஜேஸ்வரியை இரண்டாவது முறையாக மணிகண்டன் கடத்தி சென்றுள்ளார்.
குழந்தையின் நிலை என்னவென்று தெரியவில்லை. மனைவி மற்றும் குழந்தையை கடத்தி
சென்ற மணிகண்டன், அவரது தந்தை மருதமுத்து, தாய் மல்லிகா, சகோதரர் சுப்ரமணி
மீது நடவடிக்கை எடுக்க வேண்டும்' என, தெரிவிக்கப்பட்டுள்ளது.ஆத்தூர்
போலீஸ் எஸ்.ஐ., ஞானசேகரன் விசாரணை நடத்தி வருகிறார்.

நவீன்: வி.ஐ.பி; பதிவுகள் : 4665
இணைந்தது : 29/05/2009