மேட்டூர் பெண்ணை மணந்த வாலிபர்கழுத்தறுத்து கொலையான பரிதாபம்

மேட்டூர்:
மேட்டூர் அடுத்த மூலக்காடு வீரப்பன் சமாதி அருகே கழுத்து
அறுத்து கொல்லப்பட்ட வாலிபர், கோவை, சரவணம்பட்டியை சேர்ந்த சமையல் மாஸ்டர்
என்பது விசாரணையில் தெரியவந்தது.மேட்டூர், மூலக்காடு, வீரப்பன் சமாதி
அருகே, மேட்டூர் அணை வறண்ட நீர்ப்பரப்பு பகுதியில் கழுத்தையறுத்து கொன்று
மண்ணில் போட்டு மூடிய வாலிபர் பிணம், ஆகஸ்ட் 7ம் தேதி மேட்டூர் தாசில்தார்
முன்பு தோண்டி எடுக்கப்பட்டது. கொலையான வாலிபரின் மார்பில் ரேவதி என பச்சை
குத்தப்பட்டிருந்தது.கொலையான வாலிபர் யார்? எந்த ஊர்? அவர்களை கொன்ற மர்ம
கும்பல் யார் என்பது குறித்து தனிப்படை போலீஸார் தீவிர விசாரணை நடத்தி
வந்தனர். இந்நிலையில், கொலையான வாலிபர் கோவை, சரவணம்பட்டியை சேர்ந்த
நந்தகுமார் (26) என்பது விசாரணையில் தெரியவந்தது.கொளத்தூர் அடுத்த
சின்னமேட்டூரை சேர்ந்தவர் ரேவதி. கோவை, சரவணம்பட்டியை சேர்ந்த சிவம் மகன்
நந்தகுமார் (26). ரேவதிக்கு திருமணமாகி ஒரு மகன் பிறந்த பின் திடீரென
கணவர் இறந்து விட்டார். ஆதரவு இன்றி தவித்த ரேவதி கோவையில் உள்ள ஒரு
ஹோட்டலில் வேலை செய்தார்.அப்போது அருகிலுள்ள பேக்கரியில் வேலை செய்த
நந்தகுமாருக்கும், ரேவதிக்கும் பழக்கம் ஏற்பட்டது. நந்தகுமாரை திருமணம்
செய்த ரேவதி, மகனை ஹாஸ்டலில் சேர்த்தார். ஒரு ஆண்டாக ரேவதியும்,
நந்தகுமாரும் மேட்டூர், குள்ளவீரன்பட்டியில் வாடகை வீட்டில் வசித்தனர்.
நந்தகுமார் மேட்டூர், கொளத்தூர் பகுதியில் உள்ள ஹோட்டல்களில் வேலை
செய்துள்ளார்.கடந்த 3ம் தேதி கோவை செல்வதாக கூறி வீட்டை விட்டு வெளியேறிய
நந்தகுமார், அதன் பின்னர் வீடு திரும்பவில்லை. கடந்த 7ம் தேதி
கழுத்தறுத்து கொலை செய்யப்பட்ட நந்தகுமார் உடலை மேட்டூர் அணைக்குள்
போலீஸார் கண்டு பிடித்தனர்.கொலை செய்யப்பட்டது தன் கணவர் நந்தகுமார்
என்பதை ரேவதி உறுதி செய்தார். நந்தகுமாரை கொன்ற மர்மகும்பல் யார் என்பது
குறித்து போலீஸார் தீவிர விசாரணை நடந்தி வருகின்றனர். விரைவில்
கொலையாளிகள் பிடிபடுவர் என எதிர்பார்க்கப்படுகிறது.