இவளை மான் என்பதா? தேன் என்பதா?

by **kirikasan** Mon Aug 09, 2010 4:49 pm

First topic message reminder :

நீல விழிகொண்டு கண்டாள் - என்
நெஞ்சில் நெருப்பினைத் தந்தாள்
பாலமு தாய்இதழ் கொண்டாள் - ஒரு
பார்வை யிலே எனை வென்றாள்

ஏனிவள் பூமியில் வந்தாள் - என்
ஏழைமனம் கொய்து கொண்டாள்
தானினிப் பாளெந்தன் உள்ளம் - தனை
தத்தளிக்க மெல்லக் கொன்றாள்

தேனிவள் என்றிடில் வண்டால்- ஒரு
துன்பம் இழைந்திடு மன்றோ
மீனிவள் கண்களோ என்றால் - அது
மண்ணில் துடிப்பது நன்றோ

மானிவள் துள்ளலே என்றால்- அந்த
மாஅரி பாய்ந்திடு மன்றோ
வானில்நி லவுபோல் என்றால்- அவள்
வாழ்வுதொ லைவாகு மன்றோ

பூவெழில் கொண்டவள் என்றால் - பூ
மாலையில் வாடிடு மன்றோ
மாவின்சு வைகனி என்றால் - கிளி
மங்கையைத் தீண்டிடு மன்றோ

பஞ்சுடல் மென்னிளம் மேனி - எனில்
பஞ்சுப றந்திடு மன்றோ
நெஞ்சு தவிப்பதைக் கண்டால் - என்
நிம்மதி போயிடு மன்றோ

தெங்கென ஓடிவ ளர்ந்தாள் - பல
தீஞ்சுவை இன்பம் பகிர்வாள்
எங்கிருந்தோ இவள் வந்தாள் - எனை
எத்துணை பித்தனாய் செய்தாள்

மங்கி மறையும் பகலாய் - என்
மாபெரும் வன்மை கரைத்தாள்
செங்கனி தேடிடும் வண்டாய் - தனைச்
சுற்றிடச் செய்தாள் தகுமோ?

by அப்புகுட்டி Tue Aug 10, 2010 4:31 pm

தேனும் பாலும் கலந்தது போல் உள்ளது வாழ்த்துக்கள்.

by Thanjaavooraan Mon Nov 15, 2010 4:05 pm

தேனிவள் என்றிடில் வண்டால்- ஒரு
துன்பம் இழைந்திடு மன்றோ
மீனிவள் கண்களோ என்றால் - அது
மண்ணில் துடிப்பது நன்றோ

கருத்து செறிவுமிக்க வரிகள் இவளை மான் என்பதா? தேன் என்பதா? - Page 2 677196

இவளை மான் என்பதா? தேன் என்பதா? - Page 2 677196

by குடந்தை மணி Mon Nov 15, 2010 4:34 pm

அருமை - தேனாய் இனிக்கிறது.... தெவிட்டா இன்பம் பெண்ணின்பம்..

கார் குழலும்,
மான் விழியும்..
அருவி ஒலியாய் ...கால்தண்டை ஒலியும்..

காளையின் இதயத்தை களவாண்டு
செல்லும் கன்னி இவள்....

by Sponsored content

இவளை மான் என்பதா? தேன் என்பதா?

இவளை மான் என்பதா? தேன் என்பதா?

Re: இவளை மான் என்பதா? தேன் என்பதா?

Re: இவளை மான் என்பதா? தேன் என்பதா?

Re: இவளை மான் என்பதா? தேன் என்பதா?

Re: இவளை மான் என்பதா? தேன் என்பதா?