சொல்கிறார்கள்....நிறைய புத்தகங்கள்படித்தேன்... திறமைகளைமெருகேற்றினேன்

**அருண்** · **அருண்** Mon Aug 09, 2010 1:11 pm

நிறைய புத்தகங்கள்படித்தேன்... திறமைகளைமெருகேற்றினேன்!பறவைகள்
பற்றி பல அரிய தகவல்களை சேகரித்து வைத்திருக்கும் நாராயணி: கும்பகோணம் தான்
என் சொந்த ஊர், சிறு வயது முதலே வாசிப்பதில் எனக்கு மிகுந்த ஈடுபாடு
உண்டு. என் பெற்றோர் மருத்துவர்களாக இருப்பதால், அறிவியல் தகவல்களைத்
தெரிந்து கொள்ள வழிகாட்டினர்.நான் ஆறாம் வகுப்பு படித்துக் கொண்டிருந்த
போது, மாநில அளவிலான கட்டுரைப் போட்டியில் பங்கேற்று, இளம் எழுத்தாளர்
விருது பெற்றேன். என் பெற்றோருடன் சிங்கப்பூர் சென்ற போது, அங்குள்ள
பறவைகள் சரணாலயத்தில் பார்த்த பறவைகள், எனக்குக் கிடைத்த அனுபவங்களின்
அடிப்படையில் நான் எழுதியிருந்த கட்டுரை எனக்கு பெரிய அங்கீகாரத்தை
பெற்றுத் தந்தது.அனைத்திந்திய அறிவியல் தமிழ்க் கழகத்தின் சார்பில், நடந்த
மாநாட்டில் சமர்ப்பித்த கட்டுரை சிறந்ததாகத் தேர்ந்தெடுக்கப்பட்டு, முனைவர்
அருணா ராஜகோபாலன் விருது கிடைத்தது. குடிநீரில் உள்ள கிருமிகளைப் போக்கும்
வழிமுறைகள் குறித்து மேற்கொண்ட ஆராய்ச்சிக்கு இளம் விஞ்ஞானி விருது
கிடைத்தது.இளம் விஞ்ஞானிகள் கூட்டமைப்பின் தஞ்சை மாவட்ட ஒருங்கிணைப்பாளராக
நான் செயல்படுகிறேன்.கிராமப்புற மாணவர்களுக்கு பல போட்டிகள் நடத்துவது,
அறிவியல் தகவல்களை ஒருவொருக்கு ஒருவர் பரிமாறிக் கொள்வது, அடிக்கடி
கூட்டங்கள் நடத்துவது, சுற்றுச் சூழல் பாதுகாப்பில் இளைஞர்கள், குறிப்பாக
மாணவர்களின் பங்கு குறித்து விளக்குவது என்று அந்தக் கூட்டமைப்பின் பணிகள்
ஆக்கப்பூர்வமாக செயல்படும்.அறிவியல் துறையில் நான் சாதிக்க வேண்டியது
இன்னும் நிறைய உள் ளது. அறிவியலில் நிறைய ஆராய்ச்சிகள் மேற்கொள்ள வேண்டும்
என்பதே என் விருப்பம்.