சொன்னது நம்மாளு

தமிழ் என்ற வார்த்தையே சுவையானது. த-வல்லினம், மி-மெல்லினம், ழ்-இடையினம் என்று இன ஒற்றுமைக்குப் பறைசாற்றுகிறது தமிழ். அதோடு மலர் என்ற வார்த்தையை எடுத்துக் கொள்ளுங்கள். மென்மையை அப்படியே மனதில் கொண்டுவர வேண்டும் என்பதற்காக நம் தமிழ் முன்னோர் ‘மலர்’ என்ற சொல்லில் வல்லினமே இல்லாமல், மெல்லினத்தையும் இடையினத்தையும் வைத்தே அமைத்தனர். அதேபோல் மலர் என்ற வார்த்தையை உச்சரித்துப் பாருங்கள்! இரண்டு உதடுகளும் பிரிந்து மலரும். ‘பூ’ என்ற வார்த்தையை உச்சரியுங்கள். வாய் பூவின மொட்டாய் குவியும்.

ஆங்கிலம் உட்பட பல மொழிகளில் பூவுக்கு ஒரேயொரு வார்த்தைதான் அடையாளம் (flower). ஆனால், தமிழில் மலரைக் குறிக்க மட்டுமே எட்டு சொற்கள்.

அரும்பு - பூ வெளிப்படும் நிலை.

மொட்டு - வெளிப்பட்ட இளம் நிலை.

போது - இதழ்கள் குவியும் நிலை.

முகை - மலரத் துடிக்கும் நிலை.

மலர் - மலரும் நிலை.

அலர் - மலர்ந்த நிலை.

வீ - வாடிய நிலை.

செம்மல் - வதங்கிய நிலை.

அதேபோல் தமிழில் இலையைக் குறிக்க ஐந்து சொற்கள்.

கொழுந்து - இலையின் பாலபருவம்.

தளிர் - இளமைப் பருவம்.

இலை - முழுதாய் விரிந்த பருவம்.

பழுப்பு - முதிர்ந்த பருவம்.

சருகு - உதிரும் இறுதிப் பருவம்.

இது மட்டுமில்லை. இலைக்குத்தான் எத்தனை வகை பெயர்கள் தமிழில்?

வாழை, அரசு, ஆல், மந்தாரை போன்றவை - இலை.

நெல், கோதுமை, கேழ்வரகு - தாள்.

கம்பு, சோளம், கரும்பு - தோகை.

தென்னை, பனை, கமுகு - ஓலை.

சப்பாத்தி, தாழை - மடல்.

பொன்னாங்கன்னி, பசலை, அகத்தி - கீரை.

இப்படி இலையைக்கூட வகைப்படுத்திப் பெயரிட்டு, மொழி வளமையை வெளிப்படுத்தினார்கள்.

ஆங்கிலத்தில் ’give’ என்ற சொல்லுக்கு ஈடாகத் தமிழில் ஈ (ஈகை), தா, கொடு என்று மூன்று வார்த்தைகள்.

தன் நிலையில் தாழ்ந்தவன், உயர்ந்தவனிடம் கேட்கும்போது ‘ஈ’ என்று சொல்ல வேண்டும்.

சம நிலையில் இருப்பவனிடம் ‘தா’ என்று கேட்க வேண்டும்.

உயர்ந்த நிலையில் உள்ளவன் தாழ்ந்த நிலையில் உள்ளவனிடம், ‘கொடு’ என்று கேட்க வேண்டும்.

சாதாரண எச்சில் நீரை வாயிலிருந்து வெளியேற்றுவதை எப்படிச் சொல்கிறான் தமிழன் என்று பாருங்கள். சுவையான உணவினாலோ, காதல் என்ற மென்மையான உணர்வினாலோ உண்டாவதை ‘உமிழ்நீர்’ என்றும், ‘உமிழ்வது’ என்றும் சொன்னார்கள். அதேசமயம் கோபத்திலும், வெறுப்பிலும் காட்டமான உணர்ச்சிகளைக் குறிக்கும் வகையில் ‘துப்புவது’ என்றார்கள். ஒரே செயலுக்கான வார்த்தைகளில்தான் எத்தனை வித்தியாசம்!

இப்படிப்பட்ட மொழி வளமை, உலகில் வேறெந்த மொழிக்கும் இருப்பதாகத் தெரியவில்லை.

ராஜரிஷி

http://www.tamilhindu.net இல் வெளியாகி எனக்கு மிகவும் பிடித்த கட்டுரை இது

மிகவும் அருமையான கட்டுரை..
பகிர்ந்ததுக்கு நன்றி மணி!

Uma Thyagajan wrote:மிகவும் அருமையான கட்டுரை..
பகிர்ந்ததுக்கு நன்றி மணி!

அங்கே சுட்டு இங்கே போட்டேன் அவ்வளவே

maniajith007 wrote:

Uma Thyagajan wrote:மிகவும் அருமையான கட்டுரை..
பகிர்ந்ததுக்கு நன்றி மணி!

அங்கே சுட்டு இங்கே போட்டேன் அவ்வளவே

நல்ல விஷயத்தை பகிர்ந்து கொள்வது கூட
பாராட்ட வேண்டிய ஒரு விஷயம்..

Uma Thyagajan wrote:

maniajith007 wrote:

Uma Thyagajan wrote:மிகவும் அருமையான கட்டுரை..
பகிர்ந்ததுக்கு நன்றி மணி!

அங்கே சுட்டு இங்கே போட்டேன் அவ்வளவே

நல்ல விஷயத்தை பகிர்ந்து கொள்வது கூட
பாராட்ட வேண்டிய ஒரு விஷயம்..

சகோதரிக்கு நன்றி

அருமையான கட்டுரை மணி , படிக்கவே மிகவும் ஆவலாக இருக்கிறது ,

தமிழ் மொழியின் அழகை மிகசிறப்பாக சொல்லியிருக்கிறார் கட்டுரையாளர் , பகிர்ந்தமைக்கு நன்றிகள்

பூவுக்கு இவ்வளவு பேரா அதுசரி இதுல புய்பம் இல்லையே , மிகவும் அருமை நண்பா

நன்றி ராஜா அண்ணே நன்றி பாலா

balakarthik wrote:பூவுக்கு இவ்வளவு பேரா அதுசரி இதுல புய்பம் இல்லையே , மிகவும் அருமை நண்பா

அது நீங்க படிக்கும் போது இருந்து இருக்கும்..
இப்போ நீக்கிட்டாங்க ..