காலம் கடந்த ஞானமோ இது தெரியவில்லை

kirupairajah · kirupairajah Sat Jul 25, 2009 7:40 am

தேசிய நல்லிணக்கத்துறை அமைச்சர் விநாயகமூர்த்தி முரளிதரன் தமிழின தலைவராக தமது கடமைகளை மறந்து செயற்பட்டார் என அவரது மனைவி குற்றம் சுமத்தியுள்ளார்.லண்டனில் உள்ள செய்தி சேவைக்கு வழங்கிய செவ்வியிலேயே அவர் இதனை குறிப்பிட்டுள்ளார்.

6 ஆயிரம் போராளிகளுடன் தமிழீழ விடுதலைப்புலிகள் இயக்கத்தில் இருந்து உயரிய நோக்கத்திற்காக விலகி வந்தோம்.

எனினும் தற்போது தனது கணவர் அவரது சுயநலத்திற்காகவே அரசாங்கத்துடன் இணைந்து கொண்டதாக குறிப்பிட்டுள்ள அவர், தமிழ் மக்கள் முகங்கொடுக்கும் இன்னல்களுக்கு அவரே பொறுப்புக்கூற வேண்டும் எனவும் தெரிவித்துள்ளார்.

தமிழீழ விடுதலைப் புலிகளிடமிருந்து பிளவடைந்த போது மிகத் தெளிவான ஓர் குறிக்கோள் காணப்பட்டதாகவும், அதனை மறந்து செயற்படுவதாகவும் அவர் சுட்டிக்காட்டியுள்ளார்.

முரளிதரன் தனது சுயலாப நோக்கங்களுக்காக அரசாங்கத்தின் கைப்பொம்மையாக செயற்பட்டு வருவதாக அவர் சுட்டிக்காட்டியுள்ளார்.

அரசாங்கத்தின் சிரேஸ்ட அதிகாரியொருவரே கருணாவை பிழையான பாதைக்கு இட்டுச் சென்றுள்ளதாகவும், தற்போது முரளிதரன் அவரது வாக்குகளை வேத வாக்காக எண்ணிச் செயற்பட்டு வருதாக அவர் குறிப்பிட்டுள்ளார்.

என் கணவர் திருந்துவதற்கு ஒரு மாத கால அவகாசம் வழங்குவதாகவும், அவ்வாறு திருந்த மறுத்தால் அவரது சகல ஊழல்களையும் மக்களுக்கு அம்பலப்படுத்த பின்நிற்கப் போவதில்லை என அவர் தெரிவித்துள்ளார்.

ஸ்கொட்லாந்தில் 3 பிள்ளைகளோடு வாழ்ந்து வரும் அமைச்சர் முரளிதரனின் மனைவியான வித்தியாவதி, தமிழீழ விடுதலைப்புலிகளின் பெண்கள் பிரவில் சிரேஷ்ட உறுப்பினராக "நிரோ" என்ற பெயரில் இருந்தமையும் குறிப்பிடதக்கது.

**ராஜா** · **ராஜா** Sat Jul 25, 2009 11:14 am

மனசாட்சி ஒன்று இருக்கிறது கிருபைராஜா , யார் தண்டிக்கிரார்களோ இல்லை மனசாட்சியின் தண்டனை கொடூரமாக இருக்கும். என்ன ஒன்று தண்டனை வெளியில் தெரிவதில்லை

காலம் கடந்த ஞானமோ இது தெரியவில்லை

காலம் கடந்த ஞானமோ இது தெரியவில்லை

Re: காலம் கடந்த ஞானமோ இது தெரியவில்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக