தமிழ் வெளியீடுகளின் பக்கங்கள் கிழிப்பு – மைப்பூச்சு – தணிக்கையின் உச்சம் அரங்கேறுகிறது

இந்தியாவில் இருந்து இலங்கைக்கு இறக்குமதியாகும் அனைத்து தமிழ் சஞ்சிகைகள், சிறு பத்திரிகைகள் யாவும் விநியோகிக்கப்படுவதற்கு முதல் தணிக்கைக்கு உட்படுத்தப்படுவதாக குளோபல் தமிழ்ச் செய்திகளிற்கு தகவல்கள் கிடைத்துள்ளன.

குறிப்பாக இந்த வெளியீடுகளில் இலங்கை அரசாங்கத்தை விமர்சிக்கும் கட்டுரைகள், பிரச்சனைக்குரிய செய்திகள், ஆக்கங்கள், அல்லது அரசாங்கத்தை அசௌகரியத்திற்கு உள்ளாக்கும் விடயங்கள் உள்ளடக்கப்பட்டு இருந்தால் அந்தக் கட்டுரைகள் அல்லது ஆக்கங்கள் அடங்கிய பக்கங்கள் அகற்றப்படுவதாக குளோபல் தமிழ்ச் செய்திகளிற்கு தெரியவருகிறது.

இதேபோல் முன் அட்டையில் இலங்கை தொடர்பான சிக்கலான தலையங்கம் இடப்பட்டு இருந்தால் அவற்றின் மீது மை பூசப்பட்ட பின்பே விநியோகத்திற்கும் விற்பனைக்கும் அனுமதிக்கப்படுவதாக தெரிவிக்கப்படுகிறது. அத்துடன் முன் அட்டையில் தணிக்கைக்கு உட்பட்டது அதாவது C என்ற அடையாளம் பொறிக்கப்பட்டு இருக்க வேண்டும் என பாதுகாப்பு தரப்பு யாழ் புத்தகக் கடை உரிமையாளர்களுக்கு உத்தரவிட்டுள்ளது.

இந்த வகையில் கடந்த மே மாதம் 27 ஆம் திகதியிடப்பட்ட குமுதம் சஞ்சிகையில் முன் அட்டையில் "விரட்டுங்கள் தமிழர்களை ராஜபக்ஸேயின் அலற வைக்கும் அடுத்த திட்டம்" என்ற தலையங்கம் இடப்பட்டு இருந்தது.

இந்த சஞ்சிகையில் உள்ளடக்கப்பட்டு இருந்த இந்தக் கட்டுரைப் பக்கங்கள் கிழிக்கப்பட்டு முன் அட்டையில் மை பூசப்பட்டு C என்ற அடையாளம் இடப்பட்ட பின்பே சஞ்சிகை விநியோகத்திற்கும் விற்பனைக்கும் அனுமதிக்கப்பட்டு உள்ளது. (படத்தில் காணலாம்)

ஏற்கனவே பூபாலசிங்கம் புத்தகசாலையின் உரிமையாளர் இந்தியாவில் இருந்து இறக்குமதி செய்த சஞ்சிகை ஒன்றில் விடுதலைப் புலிகளின் தலைவரது படம் இருந்ததனால் அவர் கைதாகித் தடுத்து வைக்கப்பட்டு இருந்தார்.

இதன் பின் இந்திய சஞ்சிகைகளை தமிழ் வர்த்தகர்கள் எவரும் யாழ்ப்பாணத்திற்கு எடுத்துச் செல்வதில்லை. எனினும் தற்போது கொழும்பை தளமாகக் கொண்ட ஏனைய வர்த்தகர்கள்; இவற்றை விற்பனைக்காக எடுத்துச் செல்வதனால் அவையாவும் தணிக்கைக்கு உட்படுத்தப்பட்டே விற்பனைக்கு அனுமதிக்கப்படுவதாக குளோபல் தமிழ்ச் செய்திகளிற்கு அங்கிருந்து கிடைக்கும் தகவல்கள் தெரிவிக்கின்றன.

இப்படியெலாம் கூடவா செய்வார்கள்
?

தமிழ் அழிப்பின் உச்சக்கட்டம் தொடர்கிறது!

நிலாசகி wrote:இப்படியெலாம் கூடவா செய்வார்கள்
?

தமிழர் விரோதிகள் இதற்கு மேலும் செய்வார்கள்...

பேரன்பு மிக்கீர்
வணக்கம்
பேய்கள் அரசாட்சி செய்தால் பிணம் தின்னும் சாத்திரங்கள்.
நந்திதா

nandhtiha wrote:பேரன்பு மிக்கீர்
வணக்கம்
பேய்கள் அரசாட்சி செய்தால் பிணம் தின்னும் சாத்திரங்கள்.
நந்திதா

சரியாக சொன்னீர்கள் நந்திதா ,