கற்பகப் பிள்ளையார் கோவில் - உரும்பிராய்

by **சிவா** Mon Aug 09, 2010 12:27 am

கற்பகப் பிள்ளையார் கோவில் கிட்டத்தட்ட உரும்பிராயின் நடுப்பகுதியில் அமைந்திருக்கின்றது. உரும்பிராயில் உள்ள இந்து ஆலயங்களில் மிகப்பெரிய ஆலயம் இது. உரும்பிராய்ச் சந்தியிலிருந்து சுமார் 800 யார் தூரத்தில், ஊரெளு நோக்கிச் செல்லும் பலாலி வீதியில் ஓடயம்பதியில் அமைந்திருக்கின்றது.

ஆலயத்தின் முகப்பில் உரும்பிராயின் எந்தப்பகுதியிருந்து பார்த்தாலும் தெரியக்கூடிய பஞ்ச தளங்களைக் கொண்ட கம்பீரமான இராஜகோபுரமும், அதனருகே இருபுறமும் அமைந்திருக்கும் மணிக்கூட்டுக் கோபுரங்களும் ஆலயத்திற்கு மேலும் அழகூட்டுகின்றன. ஆலயத்தின் தென்மேற்குப் பகுதியில் அம்மன் கோவிலும், வடக்குப் பகுதியில் வையிரவர் கோவிலும் ஆலயத்திற்கென தனியழகை ஊட்டுவனவாக அமைந்திருக்கின்றன.

ஆலயத்தின் மேற்குப் பகுதியில் உரும்பிராய் சைவத்தமிழ் வித்தியாலயமும், கிழக்குப்பகுதியில் உரும்பிராய் பலநோக்குக் கூட்டுறவுச்சங்க மண்டபமும், வடக்குப்பகுதியில் உரும்பிராய் வடக்கு நோக்கிச் செல்லும் பாதையும் அமைந்திருக்கின்றன. அதிகாலை வேளைகளில் கணீரென்று ஒலிக்கும் ஆலயமணி காதுகளைக் குளிர வைப்பதோடு அனைவரையும் துயிலெழுப்பி பக்திப்பரவசத்தில் ஆழ்த்திவிடும். புலம்பெயர்ந்த உரும்பிராயின் மக்களால் அண்மைக் காலத்தில் ஆலயம் புனருத்தாரணம் செய்யப்பட்டுப் பதுப்பொலிவுடன் காணப்படுகின்றது.

கற்பகப் பிள்ளையார் கோவில் - உரும்பிராய் Katpak10

by உதயசுதா Mon Aug 09, 2010 10:16 am

இது எந்த நாட்டுல இருக்கு சிவா. உரும்பிராய் அப்படின்னு ஒரு இடமா?

by megastar Mon Aug 09, 2010 10:47 am

உரும்பிராய் என்பது, இலங்கையில் வடக்கில் உள்ளது என நினைகின்றேன். சரி தானே சிவா,

by **பிளேடு பக்கிரி** Mon Aug 09, 2010 1:56 pm

அருமை தகவலுக்கு நன்றி கற்பகப் பிள்ளையார் கோவில் - உரும்பிராய் 677196

கற்பகப் பிள்ளையார் கோவில் - உரும்பிராய் 678642

by அன்பு தளபதி Mon Aug 09, 2010 1:57 pm

இது தமிழகத்தில் இல்லை ஏனென்றால் ராஜ கோபுரம் உள்ள பிள்ளையார் கோவில் பிள்ளையார்பட்டி மட்டும்

by **பிளேடு பக்கிரி** Mon Aug 09, 2010 1:58 pm

maniajith007 wrote:இது தமிழகத்தில் இல்லை ஏனென்றால் ராஜ கோபுரம் உள்ள பிள்ளையார் கோவில் பிள்ளையார்பட்டி மட்டும்

by ப்ரியா Mon Aug 09, 2010 3:08 pm

எப்படி அண்ணாச்சி முடிந்தது ?
உண்மையில் சக்திவாய்ந்த பிள்ளையாராக யாழ்ப்பாணத்தில் உரும் பிராயில் குடி கொண்டிருக்கின்றார் ..இந்திய கலைஞர்கள் பதிகங்கள் கூட பாடியிருக்கின்றனர் ..அதன்தொகுப்பு வேண்டுமென்றால் தருகின்றேன் ..
இது எங்க மண்ணு கோவில் ... அன்பு மலர்

by **பிளேடு பக்கிரி** Mon Aug 09, 2010 3:35 pm

ப்ரியதர்ஷி wrote:

எப்படி அண்ணாச்சி முடிந்தது ?
உண்மையில் சக்திவாய்ந்த பிள்ளையாராக யாழ்ப்பாணத்தில் உரும் பிராயில் குடி கொண்டிருக்கின்றார் ..இந்திய கலைஞர்கள் பதிகங்கள் கூட பாடியிருக்கின்றனர் ..அதன்தொகுப்பு வேண்டுமென்றால் தருகின்றேன் ..
இது எங்க மண்ணு கோவில் ...

உங்க மண்ணுனா என்ன..? உங்க தலைல இருக்கிற களிமண்ணா? கற்பகப் பிள்ளையார் கோவில் - உரும்பிராய் 168300

by **சிவா** Mon Aug 09, 2010 5:10 pm

ப்ரியதர்ஷி wrote:

எப்படி அண்ணாச்சி முடிந்தது ?
உண்மையில் சக்திவாய்ந்த பிள்ளையாராக யாழ்ப்பாணத்தில் உரும் பிராயில் குடி கொண்டிருக்கின்றார் ..இந்திய கலைஞர்கள் பதிகங்கள் கூட பாடியிருக்கின்றனர் ..அதன்தொகுப்பு வேண்டுமென்றால் தருகின்றேன் ..
இது எங்க மண்ணு கோவில் ...

உங்களைத் தேடி வந்தபொழுது இந்தக் கோவில் கண்ணில் பட்டது..! அதுதான் இங்கு பதிந்துவிட்டேன்!

by **சிவா** Mon Aug 09, 2010 5:12 pm

உதயசுதா wrote:இது எந்த நாட்டுல இருக்கு சிவா. உரும்பிராய் அப்படின்னு ஒரு இடமா?

உரும்பிராய்

உரும்பிராய் அல்லது உரும்பராய் இலங்கை, யாழ்ப்பாண மாவட்டத்திலே உள்ள ஒரு ஊராகும். இது, யாழ்ப்பாணம் - பலாலி வீதியில், யாழ்ப்பாண நகரத்திலிருந்து 3 3/4 மைல்கள் தொலைவில் அமைந்துள்ளது. பலாலி வீதியும், அதற்குக் குறுக்காகச் செல்லும் மருதனார் மடம் - கைதடி வீதியும், இவ்வூரை 4 பிரிவுகளாகப் பிரிக்கின்றன. இவ்விரு வீதிகளும் சந்திக்கும் இடம் உரும்பராய்ச் சந்தி எனப்படுகின்றது. உரும்பராய்க்கு வடக்கில் ஊரெழுவும், தெற்கில் கோண்டாவிலும், மேற்கில் இணுவிலும், கிழக்கில் கோப்பாயும் எல்லைகளாக அமைந்துள்ளன.

செம்மண் பகுதியாகிய இது, நல்ல வளமான மண்ணையும், நல்ல நிலத்தடி நீர் வசதியையும் கொண்டுள்ள ஒரு இடமாகும். உரும்பராய், வாழை, மரவள்ளிக் கிழங்கு, பல வகையான காய்கறி வகைகள் போன்றவற்றுக்குப் பெயர் பெற்றது. யாழ்ப்பாண மாவட்டத்தில் புதிய பயிர் வகைகள் அறிமுகப்படுத்தப்பட்ட காலங்களில் அவற்றைப் பயிரிடுவதில் முன்னணியில் நின்று வெற்றி பெற்ற இடங்களில் உரும்பிராயும் ஒன்று. யாழ்ப்பாணத்துக்கும் புதிய பயிர்களான, திராட்சை, உருளைக்கிழங்கு போன்ற பயிர்கள் 70 களிலும் 80 களிலும் வெற்றிகரமாக இங்கே பயிரிடப்பட்டன.

இவ்வூரின் மேற்கு எல்லைக்கு அருகில் பிள்ளையார், முருகன், அம்மன் ஆகிய கடவுளர்களுக்கான மூன்று கோயில்கள் அருகருகே அமைந்துள்ளன. இவற்றுள் கருணாகரப் பிள்ளையார் கோயில், காலத்தால் முந்தியது. கருணாகரத் தொண்டைமானால் அமைக்கப்பட்டதாகக் கருதப்படுகின்றது. இவற்றைவிட, கற்பகப் பிள்ளையார் கோயில், ஞான வைரவர் கோயில், என்பனவும் இங்கேயுள்ளன. ஆண்டு தோறும் ஆடு,கோழி ஆகியவற்றைப் பலி கொடுத்து விழாவெடுக்கும் வழக்கத்தை மிக அண்மைக்காலம் வரை கொண்டிருந்ததும், யாழ் மாவட்டத்தில் பரவலாக அறியப்பட்டதுமான காட்டு வைரவர் கோயிலும் இங்கேதான் அமைந்துள்ளது. கோயில்களில் விலங்குகளைப் பலி கொடுப்பதை அரசு தடை செய்ததனால் இவ் வழக்கம் கைவிடப்பட்டது.

இங்குள்ள பாடசாலைகளில் பெரியது உரும்பராய் இந்துக் கல்லூரியாகும். இது பலாலி வீதியில் உரும்பிராய் சந்தியிலிருந்து ஊரெழுவிற்குச் செல்லும் வழியில் அமைந்துள்ளது. மேலும் உரும்பிராய் சந்திரோதய வித்தியாசாலை, உரும்பிராய் சைவத்தமிழ் வித்தியசாலை ஆகிய பாடசாலைகளும் ஆரம்பக் கல்விக்கு உகந்த பாடசாலைகளாக காணப்படுகின்றன.

கட்டற்ற கலைக்களஞ்சியமான விக்கிபீடியாவில் இருந்து.