இறைவன் விரும்பும் மலர்கள்-விவேகானந்தர்

**பிளேடு பக்கிரி** · 01/03/2010

மேலைநாட்டு அறிவியல் ஞானமும், நம் நாட்டு வேதாந்தமும், பிரம்மச்சரியமும் இணைந்த வாழ்வியல் அடிப்படையே நம் லட்சியங்களாக இன்று நமக்குத் தேவைப்படுகின்றன. இதைவிட அன்பு, நேர்மை, பொறுமை ஆகியவை வாழ்விற்கு மிக மிக முக்கிய ஆதாரங்களாகும். பெரும்பாலானோர் உயர்ந்த லட்சியம் எதுவும் இல்லாமல் இருளடைந்த வாழ்க்கையை நோக்கிச் செல்கின்றனர். இதை விடுத்து குறிக்கோளை பின்பற்றி வீறு நடை போடுங்கள்.

சிந்தனாசக்தியின் 90 சதவீத ஆற்றல் மனிதர்களால் வீணடிக்கப்படுகிறது. எனவே, மனிதன் தொடர்ந்து பெரிய
தவறுகளைச் செய்கிறான். சரியான மனப்பயிற்சி பெற்றவர்களின் மனம் ஒருபோதும் தவறுகளைச் செய்வதில்லை.

எதிர்காலத்தில் எப்படி எல்லாம் இருக்க வேண்டும் என்று விரும்புகிறோமோ அதை நம்முடைய தற்போதைய செயல்களால் உண்டாக்கிக் கொள்ள முடியும். எனவே, நிகழ்காலத்தில் நாம் செய்யும் செயல்களில் கவனத்துடன் செய்யும் போது நல்ல வளம் நிறைந்த எதிர்காலத்திற்கு அடித்தளமிட்டவர்களாவோம். அன்று மலர்ந்ததும், பிறரால் தொடப்படாததும், நுகரப்படாததுமான புத்தம் புதிய மலர்களே இறைவனின் பாத
கமலங்களில் அர்ச்சிக்கத்தகுந்தவை என்றாலும், இளமையும், வலிமையும், வளமையும், அறிவுக்கூர்மையுமான மலர்களையே இறைவனும் உவந்து ஏற்று மகிழ்வான்.