எம்.எல்.ஏ.க்கள் விடுதியில் பட்டதாரி வாலிபர் தூக்குப்போட்டு தற்கொலை!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

எம்.எல்.ஏ.க்கள் விடுதியில் பட்டதாரி வாலிபர் தூக்குப்போட்டு தற்கொலை!

#362284

ரபீக்
வழிநடத்துனர்: பதிவுகள் : 15128
இணைந்தது : 07/04/2010

Post ரபீக் Sun Aug 08, 2010 1:18 pm

சென்னையில் உள்ள எம்.எல்.ஏ.க்கள் விடுதியில் டிப்ளமோ பட்டதாரி வாலிபர் ஒருவர் தூக்குப்போட்டு தற்கொலை செய்து கொண்டார். வேலை கிடைக்காத விரக்தியில் அவர் தற்கொலை செய்து கொண்டார் என்று கூறப்படுகிறது.

தஞ்சாவூர் மாவட்டம் கரியமேடு பரிசுத்தம் நகரைச் சேர்ந்தவர் கரிகாலன். டிப்ளமோ என்ஜினீயரிங் படித்துள்ளார். இவர் வேலைக்காக சென்னையில் உள்ள கம்பெனிகளுக்கு நேர்முக தேர்வுக்காக அடிக்கடி வருவது வழக்கம். அவ்வாறு வரும் அவர் சென்னை ஒமந்தூரார் அரசினர் தோட்டத்தில் உள்ள எம்.எல்.ஏ.க்கள் விடுதியில் தங்குவதை வழக்கமாக கொண்டிருந்தார்.

இந்த நிலையில், கடந்த 5ஆம் தேதி கரிகாலன் தியாகராயநகரில் உள்ள ஒரு தனியார் கம்பெனி ஒன்றில் நேர்முகத்தேர்விற்காக வந்தார். அதில் அவருக்கு வேலை கிடைக்கவில்லை என்று கூறப்படுகிறது. இதனால் அவர் கடும் மனவருத்தத்துடன் காணப்பட்டார்.

வெள்ளிக் கிழமை இரவு கரிகாலனுடன் தங்கியிருந்த நண்பர்கள் அனைவரும் வெளியில் சென்று விட்டனர். அறையில் கரிகாலன் மட்டும் தனியாக இருந்தார். இந்த நிலையில், அவர் `பெட்ஷீட்டால்' மின்விசிறியில் தூக்குப்போட்டு தற்கொலை செய்து கொண்டார்.

வெளியே சென்று விட்டு அறைக்கு வந்த நண்பர்கள் கரிகாலன் தூக்கில் பிணமாக தொங்குவதை பார்த்து அதிர்ச்சி அடைந்தனர். இது குறித்து அரசினர் தோட்டம் போலீசாருக்கு தகவல் தெரிவிக்கப்பட்டது.

விரைந்து வந்த போலீசார் பிணத்தை மீட்டு ராயப்பேட்டை அரசு மருத்துவமனைக்கு அனுப்பி வைத்தனர். தொடர்ந்து இது குறித்து விசாரணை நடைபெற்று வருகிறது.

"நீங்கள் பேசினால் நல்லதைப் பேசுங்கள். அல்லது அமைதியாக இருந்து விடுங்கள்" - நபி (ஸல்)

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1