10 ஆயிரம் பேருக்கு சுயவேலை வாய்ப்பு: ரூ.100 கோடி திட்டம் துவக்கம்

**அருண்** · **அருண்** Sun 8 Aug 2010 - 12:50

தூத்துக்குடி: வேலையில்லா இளைஞர்கள் 10 ஆயிரம்
பேருக்கு, சுயவேலைவாய்ப்பை உருவாக்கித்தரும், 100 கோடி ரூபாய் மதிப்பிலான
திட்டம் துவக்கப்பட்டுள்ளது.

தமிழகத்தில் குறு, சிறு மற்றும்
நடுத்தர தொழில்களை வளர்ச்சியடையச் செய்ய நடவடிக்கை மேற்கொள்ளப்படுமென
அரசு, சட்டசபையில் அறிவித்தது. அதன்படி, வேலையில்லா 10 ஆயிரம் பேருக்கு
சுயவேலைவாய்ப்பு உருவாக்கித்தரும் திட்டம் 100 கோடி ரூபாயில்
செயல்படுத்தப்படுமென அறிவிக்கப்பட்டு, அதற்கான அரசாணை வெளியிடப்பட்டது.
இந்த, புதிய திட்டத்தை, தூத்துக்குடியில் நேற்று நடந்த சிறுதொழில்
விழாவில், ஊரக தொழில்துறை மற்றும் கால்நடைத்துறை அமைச்சர் பொங்கலூர்
பழனிச்சாமி துவக்கி வைத்தார். ஆண்டு வருமானம் ஒரு லட்சத்து 50 ஆயிரத்துக்கு
மிகாமல் இருக்கும் 18 வயதிற்கு மேற்பட்ட வேலையில்லா இளைஞர்கள் முதல் 86
வயது வரை உள்ளவர்களுக்கு இத்திட்டத்தின் கீழ் கடனுதவி அளிக்கப்படுகிறது.
கல்வித்தகுதி எதுவும் தேவையில்லை. சுயமாக தொழில் துவங்க விரும்புவோர்,
சம்பந்தப்பட்ட மாவட்ட தொழில்மைய அலுவலகத்தில் அதற்கு விண்ணப்பித்து,
அதன்பின் வங்கியிலிருந்து கடனை பெற்றுக் கொள்ளலாம். இத்திட்டத்தின் மூலம்
வியாபார நிறுவனங்களுக்கு ஒரு லட்சம் வரையும், சேவை நிறுவனங்களுக்கு மூன்று
லட்சம் வரையும், உற்பத்தி நிறுவனங்களுக்கு ஐந்து லட்சம் வரையும் கடனுதவி
வழங்கப்படும்.
இதில் 15 சதவீதம் மானியமாகும். இந்த கடனைப்பெற எந்த உத்தரவாதமும்
தேவையில்லை. இந்த புதிய திட்ட துவக்க விழாவில், சமூகநலத்துறை அமைச்சர்
கீதாஜீவன், தமிழக தொழில் வளர்ச்சி நிறுவன தலைவர் ராஜிவ் ரஞ்சன்,
தூத்துக்குடி டி.ஆர்.ஓ., துரைரவிச்சந்திரன், அதிகாரிகள் கலந்து கொண்டனர்.

10 ஆயிரம் பேருக்கு சுயவேலை வாய்ப்பு: ரூ.100 கோடி திட்டம் துவக்கம்

10 ஆயிரம் பேருக்கு சுயவேலை வாய்ப்பு: ரூ.100 கோடி திட்டம் துவக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக