பொதுமக்களின் புகார்கள்

by **சிவா** Thu Jul 23, 2009 6:47 pm

First topic message reminder :

இங்கு பொதுமக்கள் கூறும் புகார்களுக்கு உங்களின் கருத்துக்களைத் தெரிவியுங்கள்!

சுற்றுச் சுவரல்ல அசுத்த சுவர்

புகழ்பெற்ற அம்மன் கோயிலுக்குச் சென்றிருந்தேன். அன்று வெள்ளிக் கிழமை என்பதால் கூட்டம் கூட்டமாக பெண்கள் கோயிலை வலம் வந்து கொண்டிருந்தார்கள். மொத்தம் 108 சுற்றுகள் சுற்றினால், நினைத்தது நிறைவேறும் என்பது அந்தக் கோயிலுக்கு வருபவர்களின் நம்பிக்கை.

எனவே வந்திருந்த பெரும்பாலான பெண்கள் 108 சுற்றுகளை சுற்றினர். இப்படி சுற்றுவதில் தவறில்லை. ஆனால், கணக்கு வைத்துக் கொள்வதற்காக சுற்றுச் சுவரில் பலர் பென்சிலால் எண்ணிக்கையை எழுதிக் கொண்டே வந்தனர். அதைப் பார்த்து என் மனது வலித்தது.

கோயிலை சுத்தமாக வைத்திருக்க உதவாவிட்டாலும், அசுத்தப்படுத்தாமலாவது இருக்கலாமே? ஒரு பேப்பரையும் பேனாவையும் கையோடு கொண்டுவந்து அதில் எண்ணிக்கையை குறிக்கலாமே? சம்பந்தப்பட்டவர்கள் யோசிப்பார்களா?

by **சிவா** Thu Jul 23, 2009 7:14 pm

கரண்ட் பில் ஆபீஸில் ஷாக் :

நாங்கள் ஹவுஸ் ஓனர் இல்லாத வீட்டில் வாடகைக்கு குடியிருக்கிறோம். நாங்கள் அலுவலகத்துக்கு சென்றாலும் எப்போதுமே என் அம்மா வீட்டில்தான் இருப்பார். மாதத்துக்கு ஒருமுறை ஹவுஸ் ஓனர் எங்களை பார்ப்பதற்காக வருவார். பொதுப்படையாக பேசிவிட்டு செல்வார். அப்படி ஒருமுறை வந்தவரிடம், ‘‘இந்த முறை மின்சார வாரியத்திலிருந்து ரீடிங் எடுக்க யாரும் வரவில்லை.

மின் கட்டணம் கட்ட வேண்டிய நாளும் நெருங்கிவிட்டது. என்ன செய்வது என்று தெரியவில்லை...’’ என்று சொன்னோம். உடனே ஹவுஸ் ஓனர், அட்டையை எடுத்துக்கொண்டு கரண்ட் பில் கட்டும் இடத்துக்கு சென்று விசாரித்துள்ளார். அதற்கு அந்த ஊழியர்கள், ‘‘வீட்டுக்கு ரீடிங் எடுக்க வந்தோம். சரியா யாரும் பதில் சொல்லலை, அட்டையை காண்பிக்கலை.

இப்படிப்பட்டவங்களை ஏன் வாடகைக்கு குடிவச்சிருக்கீங்க? இப்படியே போனா, கரண்டை கட் பண்ணிடுவோம்’’ என்று சத்தம் போட்டுவிட்டு, முந்தைய மாதம் கட்டியத் தொகையையே கட்டிவிட்டு செல்லும்படி கூறியுள்ளார்கள். இந்த விஷயத்தை வீட்டுக்காரர் எங்களிடம் வந்து சொன்னதும் வருத்தமாக இருந்தது. மின்சார ஊழியர்கள் ஏன் யோசிக்கவில்லை?

by நிலாசகி Thu Jul 23, 2009 7:15 pm

கோயிலில் வேலை பார்க்கும் ஒரு நபரே சொன்னார் வருவாய் அதிகம் வரும் சாமி சன்னதிகளுக்கு ஒரு கவனிப்பு....மற்றதுக்கு ஒரு கவனிப்பு!!!!!!!!!!களஞ்சியம் இருக்கும் இடத்துக்கு ஒரு கவனிப்பு!!!!!!!!!!...இந்த நிலைமை...தமிழ்நாட்டிலேயே புகழ்
பெற்ற கோயில் ஸ்தலம்