கவிக்காதல் மருத்துவனுக்கு.....

by **Aathira** Sun Aug 08, 2010 9:49 am

என் மருத்துவ நண்பன் டாக்டர் வசந்த் செந்திலுக்கு

மருத்துவ நண்பா
உன் இதயத்தில் துவண்ட
ஸ்டெத்தாஸ் கோப்
சங்கத் தமிழரின்
நாடியை அளந்தது

சூட்டளவி
தன் உடல் வெப்பத்தைத்
தணித்துக் கொண்டது
உன் கவிதைக்
குடுவையில் மூழ்கி

உன் கரம் ஏந்திய
சிரஞ்சின் முனை பாய்ச்சிய
கவி சத்தால்
பசலை நோயால்
தளர்ந்து போன
தமிழ்க் கன்னியின்
வெளிர் உடலில்
வசந்த கோலம்

மருந்துச் சீட்டில்
நீ எழுதிய
ஹைக்கூக்கள்
ஹெல்த் டானிக்கானது
அவளுக்கு

உடல் உழுது உள்ளீடான
நோய்களுக்கு நீ செய்த
வெட்டுதலும்
சீர் அழகு கூட்டிவிட
நெகிழியினால்
நீ செய்த ஒட்டுதலும்
வனிதைக்கு மட்டுமல்ல
கவிதைக்கும் அழகுதான்

தமிழாயும் மருத்துவனே
உச்சிமுதல் பாதம் வரை
நோய் நாடி நீ தந்த
ஸ்கேன் ரிப்போர்ட்
அத்தனையும்
கவனமாக நீ எழுதிய
ஆய்வுக் கட்டுரைகள்

எட்ட நின்றே
மூலை முடுக்கெங்கும்
பரவி விட்ட
நோய் தீர்க்கும்
லேசர் மருத்துவமே
நீ நடத்தும்
சுற்றிதழ்கள்

இரத்தம் உரிஞ்சும்
அட்டைப் பூச்சிகளே
கொழுத்துக் கொண்டிருக்கும்
மருத்துவ உலகில்
உலகறிய மருத்துவத்தை
மணம் முடித்து
உளமாறக்
கவித்துவத்தைக் காதலிக்கும்
நீ மட்டும்
தமிழ்ப் புலவன் தருமியானாய்

காத்திருத்தல் கன்னிசுகம்
கூட்டி விடும் அருமருந்து
என்றறிந்த காதல் மருத்துவனே
கட்டி அணைத்திடவும்
செங்கனிவாய் வெள்ளெயிற்றுச்
சாறதனைக் கொட்டிக் கொடுத்திடவும்

உன் பெயரின் வசந்தத்தை
வாழ்வில் ஏற்றிடவும்
கனிந்து விட்டாள்
கவிக் காதலியாள்
இனி உனக்குச் சுகஉலகம்
சொந்தமென்று சாற்றுகிறேன்
வாழ்த்துகிறேன் தோழி நான்!

ஆதிரா..

by ரபீக் Sun Aug 08, 2010 10:26 am

மருத்துவ கவினனுக்கு என்னுடைய வாழ்த்துக்கள்

by சபீர் Sun Aug 08, 2010 10:27 am

உன் பெயரின் வசந்தத்தை
வாழ்வில் ஏற்றிடவும்
கனிந்து விட்டாள்
கவிக் காதலியாள்
இனி உனக்குச் சுகஉலகம்
சொந்தமென்று சாற்றுகிறேன்
வாழ்த்துகிறேன் தோழி நான்!

மருத்துவ நண்பனுக்கு அழகிய வரிகள்கொண்டு கோர்க்கப்பட்ட இக்கவிதை மிகவும் அருமை அக்கா கவிக்காதல் மருத்துவனுக்கு..... 154550

by **Aathira** Sun Aug 08, 2010 11:20 am

ரபீக் wrote:மருத்துவ கவினனுக்கு என்னுடைய வாழ்த்துக்கள்

வாழ்த்து பெற வேண்டிய தமிழ்த்தொண்டன் அவன்..வாழ்த்தியமைக்கு மிக்க நன்றி ரபீக்...

by **பிளேடு பக்கிரி** Sun Aug 08, 2010 11:37 am

by **Aathira** Thu Aug 12, 2010 12:12 am

சபீர் wrote:உன் பெயரின் வசந்தத்தை
வாழ்வில் ஏற்றிடவும்
கனிந்து விட்டாள்
கவிக் காதலியாள்
இனி உனக்குச் சுகஉலகம்
சொந்தமென்று சாற்றுகிறேன்
வாழ்த்துகிறேன் தோழி நான்!

மருத்துவ நண்பனுக்கு அழகிய வரிகள்கொண்டு கோர்க்கப்பட்ட இக்கவிதை மிகவும் அருமை அக்கா

தங்கள் பாராட்டுக்கு மிக்க நன்றி சபீர்... கவிக்காதல் மருத்துவனுக்கு..... 154550

by kalaimoon70 Thu Aug 12, 2010 4:24 am

நண்பரின் தமிழ் மேல்கொண்ட காதலை ,உங்கள் வார்த்தையோடு, எப்படி இப்படி கவியாய் சொல்லமுடியும்? உங்களை தவிர!

வார்த்தைகள் விளையாட்டு,
வரிக்குள் வந்து சிலம்பாட்டம்,
ஆஹா ஆதிராவின் தமிழ் சொல்லாட்டம்,
ஈகரைக்கு வெள்ளோட்டம்.
பாராட்ட வார்த்தைகள் எனக்கு தெரியவில்லை,
படித்து பாராட்டாமல் போனால் நான் தமிழனில்லை.

மகிழ்ச்சி

by **Aathira** Fri Aug 13, 2010 7:01 pm

kalaimoon70 wrote: நண்பரின் தமிழ் மேல்கொண்ட காதலை ,உங்கள் வார்த்தையோடு, எப்படி இப்படி கவியாய் சொல்லமுடியும்? உங்களை தவிர!

வார்த்தைகள் விளையாட்டு,
வரிக்குள் வந்து சிலம்பாட்டம்,
ஆஹா ஆதிராவின் தமிழ் சொல்லாட்டம்,
ஈகரைக்கு வெள்ளோட்டம்.
பாராட்ட வார்த்தைகள் எனக்கு தெரியவில்லை,
படித்து பாராட்டாமல் போனால் நான் தமிழனில்லை.