நோய் தடுக்கும் நடைப்பயிற்சி!

**சிவா** · **சிவா** Thu Jul 23, 2009 6:12 pm

பத்து வயதில் உடல் பருமன், இருபது வயதில் மாரடைப்பு, முப்பது ப்ளஸ்சில் நீரிழிவு, நாற்பதில் மரண பயம்... இப்படித்தான் மாறிவிட்டது இன்றைய மனித வாழ்க்கை. வசதிகள் பெருகப் பெருக, நோய்களும்..!

ஓடியாடி விளையாட நேரமும் இடமும் இல்லாத குழந்தைகள், மாடிப்படி ஏறி, இறங்க லிஃப்ட், வாசலை விட்டு இறங்கினால் வாகனம், சகலத்துக்கும் மிஷின் என உடற்பயிற்சியே தெரியாத மனிதர்கள்...

எல்லாவற்றுக்கும் ஒரே தீர்வு நடைப்பயிற்சி என்கிறார் ஸ்டாலின் நாகராஜன். பெங்களூருவிலுள்ள தேசிய விளையாட்டுப் பயிற்சி மையத்தின் தேசிய தலைமை பயிற்சியாளரான இவர், யாரெல்லாம் நடக்க வேண்டும், எப்படி நடக்க வேண்டும், எப்போது நடக்க வேண்டும் என நடை பற்றிய அத்தனை தகவல்களையும் சொல்கிறார் ஸ்டாலின்.

ÔÔநடைப்பயிற்சில மூணு வகை உண்டு. முதல் வகை மெதுவாக நடக்கிறது. நாம எப்பவும் நடக்கிற மாதிரி எந்த ஒரு வேகமும் சிரமமும் இல்லாம சாதாரணமா நடக்கிறது இந்த வகை.

உடல்வலிகளை, சோர்வுகளைப் போக்க இந்தவித நடை உதவறதோட, உடம்புல உள்ள தசைகளையும், எலும்பு இணைப்புகளையும் இதமாக்கி, காயங்கள் வராமலும் பாதுகாக்கும். உடல் பருமன் உள்ளவங்களுக்கு ஏற்ற நடை இது. அடுத்து பவர் வாக்கிங்னு சொல்ற வேக நடை.

கைகளையும் கால்களையும் வேகமா வீசி நடக்கிறது. இப்படி வேகமா நடக்கிறப்ப, உடம்புல உள்ள கழிவுகள் எரிக்கப்படும்.

வியர்வை அதிகம் வெளியேறி, உடம்பு சுத்தமாகும். தசைகளும் எலும்புகளும் அதிக வலுவைப் பெற்று, தன்னம்பிக்கையை உயர்த்தி, உடம்புக்கு அதிக சக்தியைக் கொடுக்கும் இந்த நடை. நீரிழிவுக்காரர்களுக்கு ஏற்ற நடை இது. மூணாவது ஜாகிங்னு சொல்ற மெதுவான ஓட்டம்.

வேகமா நடக்கிறவங்க, சில மாசங்களுக்குப் பிறகு வேகத்தைக் கொஞ்சம் கூட்டும்போது மிதமான, மிகமிக மெதுவான ஓட்டமா அது மாறும். இதனால நிறைய ஆக்சிஜன் நுரையீரலுக்குள்ள போய், அதன் விளைவா இதயத்துக்கு அதிக சுத்த ரத்தத்தை அனுப்பி, தேவையில்லாத அத்தனை கழிவுப் பொருள்களையும் வெளியேற்றி, உடம்புல உள்ள ஒவ்வொரு அணுவையும் சுத்தம் செய்யும்.

இள வயதுக்காரங்களுக்கு ஏற்ற நடை இது. தினமும் அரை மணி நேரத்து லேர்ந்து 1 மணி நேரம் வரை நடக்கலாம். இளவயசுக்காரங்க 1 மணி நேரமும், 30&40 வயசுக்காரங்க 45 நிமிடங்களும், 40 ப்ளஸ்ல உள்ளவங்க அரை மணி நேரமும், 50&60 வயசுக்காரங்க 20 நிமிடங்களும் நடக்கலாம்.

அதிகாலைல நடக்கிறது நல்லது. அது முடியாதவங்க ராத்திரி சாப்பாட்டுக்கு அரை மணி நேரத்துக்குப் பிறகு நடக்கலாம். நடக்க ஆரம்பிச்ச புதுசுல, சிலருக்கு கஷ்டமா இருக்கலாம்.

அவங்க முதல்ல வாரத்துக்கு இரண்டு முறை நடந்து, அப்புறம் தினசரி நடக்க உடலை தயார்படுத்தலாம். எக்காரணம் கொண்டும் வெறும் வயித்துல நடக்கக் கூடாது.

அதிகாலைல நடக்கிறவங்க, அதுக்கு முன்னாடி அரை லிட்டர் தண்ணீர் குடிச்சிட்டு நடக்க ஆரம்பிக்கலாம். தினசரி நடக்கிற பழக்கமுள்ள சிலர், என்னிக்காவது நடக்க முடியாமப் போனா, அதையும் சேர்த்து வச்சு, அடுத்தடுத்த நாள்ல நடப்பாங்க. அது ரொம்பவே தப்பு.

அதே மாதிரி நம்மள்ல பலரும் உடம்பு குண்டான பிறகும், நீரிழிவு வந்த பிறகும்தான் நடக்கவே ஆரம்பிப்போம். ஆனா சின்னக் குழந்தைலேர்ந்தே நடைப் பயிற்சியைப் பழக்கறது, பிற்காலத்துல நோய்கள் வராமத் தடுக்கும்ÕÕ என்கிறார் ஸ்டாலின் நாகராஜன்.

Guest · Guest Thu Jul 23, 2009 6:15 pm

தூத்துக்குடியில இருந்து திருச்செந்தூர் முருகன் கோவிலுக்கு (47 KM) போனவாரம் நடந்தேன்

ரெண்டு நாளா கால் வலி தாங்க முடியலை

**சிவா** · **சிவா** Thu Jul 23, 2009 6:19 pm

அதற்குத்தான் மேலே படத்துடன் விளக்கியுள்ளோம்! படத்தில் உள்ளதுபோல் ஒய்யாரமாக நடந்து பழகுங்கள். கால் வலிக்காது! அன்பு மலர்

Guest · Guest Thu Jul 23, 2009 6:22 pm

இள வயதுக்காரங்களுக்கு ஏற்ற நடை இது. தினமும் அரை மணி நேரத்து லேர்ந்து 1 மணி நேரம் வரை நடக்கலாம். இளவயசுக்காரங்க 1 மணி நேரமும், 30&40 வயசுக்காரங்க 45 நிமிடங்களும், 40 ப்ளஸ்ல உள்ளவங்க அரை மணி நேரமும், 50&60 வயசுக்காரங்க 20 நிமிடங்களும் நடக்கலாம்.

சிவா சார் மணி நேரம் தொடர்ந்து நடக்கிறது மூச்சுக்கு (நுரையீரலுக்கு) எது பாதிப்பா சார்

கால்வலி கூட ரெண்டு நாள் ரெஸ்ட் எடுத்த சரி ஆகிருது