ரூ.2.25 கோடி செலவில் சென்னையில், 9 இடங்களில் நட்சத்திர விளையாட்டு திடல்: மேயர் மா.சுப்பிரமணியன் தகவல்

நவீன் · நவீன் Sat Aug 07, 2010 5:02 pm

சென்னை,

கீழ்ப்பாக்கம்
மாநகராட்சி கூடைப்பந்து உள்விளையாட்டரங்கத்தில் மேயர் மா.சுப்பிரமணியன்
இளைஞர்கள் மற்றும் பொது மக்களுக்கான பல்வேறு விளையாட்டுப்போட்டிகளை
தொடங்கிவைத்தார். அப்போது அவர் பேசிய தாவது:-

சமுதாய
ஒற்றுமையை மேம்படுத்துவதற்காக சென்னை மாநகராட்சி இந்தியாவிலேயே முதன்
முறையாக சமுதாய நல விளையாட்டுப் போட்டி களை இளைஞர்கள் மற்றும் பொதுமக்களை
ஒருங்கிணைக்கும் வகையில் நடத்துகின்றது. இந்த ஆண்டு முதல் சென்னை
மாநகராட்சியிலுள்ள 10 மண்டலங்களுக்கிடையே இளைஞர்கள் மற்றும்
பொதுமக்களுக்கு விளையாட்டுப்போட்டிகள் நடத்தப்பட்டு பரிசுகள் வழங்கப்படும்
என்று சென்னை மாநகராட்சி நிதிநிலை அறிக்கையில் அறிவிக்கப்பட்டுள்ளது.
அதன்படி போட்டிகள் இன்று நடத்தப்படுகிறது.

கடந்த
4 ஆண்டுகளில் சென்னை மாநகராட்சி 228 விளையாட்டுத் திடல்களை மேம்படுத்தி
உள்ளது. 55 புதிய உடற்பயிற்சிக்கூடங்கள் ரூ.2.96 கோடியில் கட்டப்பட்டும்,
விளையாட்டு உபகரணங்கள் மற்றும் உடற்பயிற்சிக்கருவிகள் ரூபாய். 1.74 கோடி
செலவில் வாங்கப்பட்டுள்ளது. துணை முதலமைச்சர் மு.க.ஸ்டாலின் மைலேடிஸ்
கார்டனில் புதிய நீச்சல் குளத்தினை ரூ.1.59 கோடியில் திறந்து
வைத்துள்ளார். புதிய இறகு பந்து உள்விளையாட்டு அரங்கம்
மந்தைவெளிப்பாக்கத்தில் ரூ. 62 இலட்சம் செலவில் கட்டப்பட்டுள்ளது.

பொதுமக்களின்
விளையாட்டு திறனை ஊக்குவிக்கும் வகையில், சென்னை மாநகராட்சி 9 இடங்களில்
நட்சத்திர அந்தஸ்துடன் கைப்பந்து, கால்பந்து, கூடைப்பந்து, இறகுப்பந்து,
எறிபந்து, டென்னிஸ், கிரிக்கெட் போன்ற அனைத்து விளையாட்டுக்களும் ஒரே
விளையாட்டுத்திடலில் பயிற்சி பெறுவதற்கு ஏற்றவாறு நவீன முறையில்
அமைக்கப்பட உள்ளது. மொத்தம் ரூபாய் 2 கோடியே 25 லட்சம் செலவில் இந்த
நட்சத்திர விளையாட்டுதிடல் அமைக்கப்பட உள்ளது.

கீழ்ப்பாக்கம்
கார்டனில் உள்ள இந்த 35 கிரவுண்ட் நிலம் கடந்த ஓராண்டிற்கு முன்பு
தனியாரால் ஆக்கிர மிக்கப்பட்டு, விழாக்கள், திருமணங்கள், «உறாட்டல்
திருவிழாக்கள் என பல்வேறு தனியார் நிகழ்ச்சிகள் நடத்தப்பட்டு வந்தன. 100
கோடி மதிப்பிலான இந்த நிலம் சென்னை மாநகராட்சியால் கையகப் படுத்தப்பட்டு,
பொதுமக்கள் பயன்பெறும் வகையில் கொண்டு வரப்பட்டுள்ளது.

இவ்வாறு அவர் பேசினார்.

நிகழ்ச்சியில்,
மாநகராட்சி ஆணையர் ராஜேஷ்லக்கானி, துணை மேயர் சத்தியபாமா, மன்ற
ஆளுங்கட்சித்தலைவர் ராமலிங்கம், மண்டலக்குழு தலைவர் சுரேஷ்பாபு, மன்ற
உறுப்பினர்கள் கலந்து கொண்டனர்.

ரூ.2.25 கோடி செலவில் சென்னையில், 9 இடங்களில் நட்சத்திர விளையாட்டு திடல்: மேயர் மா.சுப்பிரமணியன் தகவல்

ரூ.2.25 கோடி செலவில் சென்னையில், 9 இடங்களில் நட்சத்திர விளையாட்டு திடல்: மேயர் மா.சுப்பிரமணியன் தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக