ஆந்திர கொள்ளையர் நகைக்கடை அதிபரிடம் 32 பவுன் அபேஸ்

டிக்கெட் எடுத்து பயணிகள் போல் பயணம்:

கோயம்பேடு பஸ் நிலையத்தை

குறி வைக்கும் ஆந்திர கொள்ளையர்

நகைக்கடை அதிபரிடம் 32 பவுன் அபேஸ்


சென்னை,


ஆந்திர
மாநிலம் சித்தூரைச்சேர்ந்தவர் கைலாஷ். நகை கடை அதிபர். அயனாவரத்தில் உள்ள
உறவினர்கள் வீட்டுக்கு குடும்பத்துடன் வந்த இவர் நேற்று இரவு ஊருக்கு
செல்வதற்காக கோயம்பேடு பஸ் நிலையத்துக்கு வந்தார்.

ஆந்திரா செல்லும் பஸ் சில் ஏறி உடைமைகளை வைத்த கைலாஷ், தண்ணீர் பாட்டில் வாங்கிவதற்காக கீழே இறங்கினார்.

சிறிது நேரம் கழித்து கைலாஷ் பஸ்சில் ஏறினார். அப்போது பஸ்சில் இருந்த பைகளில் ஒன்றை காணவில்லை. அதில் 32 பவுன் நகை இருந்தது.

இதனை
யாரோ கொள்ளையடித்துச் சென்றுள்ளனர். இது குறித்து கோயம் பேடு போலீசில்
புகார் செய்யப்பட்டது. போலீசார் வழக்குப்பதிவு செய்து விசாரணை நடத்தி
வருகிறார்கள்.

கோயம்பேடு
பஸ் நிலையத்தை குறி வைத்து ஆந்திர மாநில கொள்ளை கும்பல் ஒன்று கைவரிசை
காட்டி வருவதாக போலீசார் தெரிவித்தனர். பஸ் நிலையத்தில் போதுமான அளவுக்கு
போலீஸ் பாதுகாப்பு இல்லாதே இதுபோன்ற கொள்ளை சம்பவங்கள் நடைபெறுவதற்கு
காரணம் என்று பொதுமக்கள் குற்றம் சாட்டுகிறார்கள்.

கர்நாடகா,
ஆந்திரா ஆகிய மாநிலங்களில் இருந்து வரும் பஸ்களில் பயணிகள் மேற்பார்வையில்
கொள்ளையர்கள் ஊடுருவி கைவரிசை காட்டி வருகிறார்கள்.

இவர்களை
எளிதாக அடையாளம் காண முடியாததால் கொள்ளை சம்பவங்களை தடுத்து நிறுத்துவது
போலீசுக்கு சவாலாகவே உள்ளது. பஸ்சில் ஏறும் பயணிகளில் கவனக்குறைவாக
இருப்பவர்களை குறி வைத்து உள்ளூர் பிக்பாக்கெட் கொள்ளையர்களும் கை வரிசை
காட்ட தொடங்கியுள்ளனர்.

கோயம்பேடு
பஸ் நிலையத்துக்கு தினமும் லட்சக்கணக்கான பயணிகள் வந்து செல்கிறார்கள்.
ஆனால் குறைந்த எண்ணிக்கையிலேயே அங்கு போலீசார் பணியமர்த்தப் படுகிறார்கள்.
இதனை தவிர்த்து பஸ் நிலையத்துக்குகென்று தனியாக காவல் நிலையத்தை தொடங்கி
கூடுதல் போலீசாரை பணிய மர்த்த வேண்டும் என்ற கோரிக்கையும் எழுந்துள்ளது.
அதே நேரத்தில் கண்காணிப்பு கேமராக்களை தீவிரமாக கண்காணித்து
குற்றச்செயல்களை தடுக்க போலீசார் தீவிரம் காட்ட வேண்டும். இதுவே பொது
மக்களின் பாதுகாப்பான பயணத்துக்கு வழி வகுக்கும்.