கட்டி முடித்து 3 ஆண்டாகியும் திறக்கப்படாத சிறைச்சாலை

by நவீன் Sat Aug 07, 2010 3:18 pm

ராமநாதபுரம்,

ரூ.1.50கோடியில் கட்டி முடித்து 3 ஆண்டுகளாக திறக்கப்படாமல் உள்ள மாவட்டத்
தலைமை சிறைச்சாலையை ராமநாதபுரம் மாவட்ட முதன்மை நீதிபதி
வ.பாலசுந்தரக்குமார் வெள்ளிக்கிழமை திடீர் ஆய்வு செய்து விரைவில் திறக்க
தேவையான நடவடிக்கைகளை எடுக்குமாறு பொதுப்பணித்துறை அதிகாரிகளுக்கு ஆலோசனை
வழங்கினார்.ராமநாதபுரம் வட்டாட்சியர் அலுவலகம் பின்புறம்
ரூ.1.50கோடி மதிப்பீட்டில் மாவட்டத் தலைமை சிறைச்சாலைக்கான கட்டடம்
பொதுப்பணித் துறை (கட்டடப்பிரிவு) சார்பில் கட்டப்பட்டு வருகிறது.இக்கட்டடப்
பணிகள் அனைத்தும் முடிந்து 3 ஆண்டுகளுக்கு மேலாகியம் திறக்கப்படாமல்
இருப்பதால் அரசு நிதி ரூ.1.50 கோடி வீணாகிக் கொண்டிருக்கிறது.சிறைச்சாலைகளில்
கைதிகளை அடைக்கவும் அவர்களை நீதிமன்றத்திற்கு வாய்தாவுக்கு அழைத்து வரவும்
அடிக்கடி வெளியூர்களில் உள்ள சிறைச்சாலைகளுக்கு போலீஸôர் சென்று வர
வேண்டியிருந்தது.இதனால் போலீஸôருக்கு பெட்ரோல் செலவு,நேர விரையம்
ஆகியன ஏற்பட்டு வந்தது. கைதிகளைப் பார்க்கச் செல்லும் பார்வையாளர்களும்
வெளியூர்களுக்கு சென்று வர வேண்டிய காரணத்தால் சிறைச்சாலையை உடனடியாக
திறக்க வேண்டும் என பொதுமக்கள் பலரும் எதிர்பார்த்தனர். இந்நிலையில்
இச்சிறைச்சாலை கட்டி முடித்து 3 ஆண்டுகளுக்கு மேலாகியும் திறக்கப்படாமலும்
பொதுமக்களுக்கு பயன்படாமலும் இருந்து வந்ததை அறிந்த மாவட்ட முதன்மை
நீதிபதி வ.பாலசுந்தரக்குமார் திடீரென சென்று நேரில் ஆய்வு
செய்தார்.அவருடன் விரைவு நீதிமன்ற நீதிபதி சந்திரசேகரும் உடன்
வந்திருந்தார். பொதுப்பணித்துறை உதவி கோட்டப் பொறியாளர் ந.நடராஜன்,உதவிப்
பொறியாளர் திருமாறன் ஆகியோர் அவர்களை வரவேற்று தாமதத்துக்கான காரணத்தைத்
தெரிவித்தனர்.சுற்றுச்சுவர்,கண்காணிப்புக் கோபுரம் ஆகியன
அமைப்பதில் சில இடையூறுகள் இருந்ததாகவும் அவை தற்போது சரிசெய்யப்பட்டு
விட்டதாகவும் வரும் 4 மாத காலத்திற்குள் சிறைச்சாலை பணிகள்அனைத்தும்
முடிந்து விடும் எனவும் சுமார் 90 சதவிகித பணிகள் முடிவடைந்து
விட்டதாகவும் பொதுப்பணித்துறைஅதிகாரிகள் தெரிவித்தனர்.மாவட்ட
முதன்மை நீதிபதி வ.பாலசுந்தரக்குமார் சிறைச்சாலைகட்டடத்தின் தரம்,குடிநீர்
வசதி,கழிப்பறை வசதி,மின்வசதி ஆகியன குறித்தும் கேட்டறிந்தார். சிறைச்சாலை
திறக்காமல் இருப்பதால் பொதுமக்களும் காவல்துறையினரும் மிகுந்த சிரமப்பட்டு
வருவதால் விரைவில் பணிகளை முடித்து வரும் மார்ச் மாதத்தில் திறப்பு விழா
நடத்துவதற்கான ஏற்பாடுகளை செய்யுமாறும் ஆலோசனைகளை வழங்கினார்.