கரணின் 'லஞ்ச்' ஹவர்

டாப் லெவலில் இருக்கிற ஹீரோக்கள் எல்லாம் பெரிய கம்பெனி, பெரிய டைரக்டர் படங்களில் மட்டும்தான் நடிப்பேன் என்று ஒதுங்கிக் கொள்கிறார்கள். இந்நிலையில், பழகிய முகமாகவும் இருக்கணும். படக்குன்னு கால்ஷீட்டும் கிடைக்கணும் என்று விரும்புகிற தயாரிப்பாளர்களுக்கு ஆறுதல் தருகிற சில ஹீரோக்களில் கரணும் ஒருவர். புது இயக்குனர்களையும், புதிய தயாரிப்பாளர்களையும் வரவேற்பார். ஆனால் இந்த நல்ல பெயரை கெடுத்துக் கொண்டிருக்கிறாரோ என்று அஞ்ச வைக்கிறது சமீபகாலமாக காதில் விழுகிற செய்திகள்.

சூரன் என்ற படத்தில் நடித்து வருகிறார் கரண். இப்படத்தின் படப்பிடிப்பு வெள்ளவேடு என்ற பகுதியில் நடந்து வருகிறது. மிக சாதாரணமாக செலவு செய்தாலே நாளன்றுக்கு ஒரு லட்சம் செலவாகிவிடுகிறது ஷ§ட்டிங்குக்கு மட்டும். இந்த நிலையில் தினமும் லேட்டாக வருவது, வந்தாலும் லஞ்ச்சுக்கு பிறகு கேரவேனுக்குள் நெடுந்து£க்கம் போடுவது என்று பெருமளவு நேரத்தை ஸ்வாகா செய்துவிடுகிறாராம் கரண். இப்படத்தின் தயாரிப்பாளர்கள் ஒருவரல்ல இருவரல்ல, சுமார் ஐந்துக்கும் மேற்பட்டவர்கள். எல்லாரும் ஒன்று கூடி இதற்கு ஒரு முடிவு கட்ட வேண்டும் என்று முடிவெடுத்தார்களாம்.

வழக்கம்போல படப்பிடிப்புக்கு வந்த கரண் ஓய்வெடுக்க கேரவேனுக்குள் போயிருக்கிறார். ஓய்வுக்கு தேவையான அரை மணி நேரம் வரைக்கும் பொறுத்திருந்த தயாரிப்பாளர்கள் அந்த நேரம் தாண்டியதும் படார் திடீரென்று கேரவேன் கதவை தட்ட, அதற்கெல்லாம் மசியாமல் து£க்கத்தை தொடர்ந்தாராம் கரண். கதவை உடைத்துக் கொண்டாவது உள்ளே போய்விட வேண்டும் என்ற வேகத்தில் என்னென்னவோ முயற்சி செய்த தயாரிப்பாளர்களுக்கு எல்லா முயற்சியுமே தோல்வி. மாலை நான்கு மணி சுமாருக்கு ஆவ் என்று கதவை திறந்த கரணை அப்படியே உள்ளே தள்ளிக் கொண்டு போனார்களாம் இவர்கள்.

அப்புறம் என்னாச்சு...? இப்போதெல்லாம் லஞ்ச்சுக்கு கூட நேரம் ஒதுக்குவதில்லையாம் கரண்!