அரசு பஸ்களில் கூடுதல் கட்டணம்: அதிமுக கண்டனம்

நவீன் · நவீன் Sat Aug 07, 2010 3:28 am

களியக்காவிளை,

கன்னியாகுமரி மாவட்டத்தில் அரசு பஸ்களில் புதுப் பெயர்கள் வைத்து
கட்டணத்தை உயர்த்தி வசூலிப்பதற்கு அதிமுக கண்டனம் தெரிவித்துள்ளது. இதுகுறித்து அதிமுக சிறுபான்மையினர் நலப் பிரிவு மாவட்டச் செயலர் எப். பிராங்கிளின் மாவட்ட ஆட்சியருக்கு அனுப்பிய மனு: கன்னியாகுமரி
மாவட்டத்தில் போக்குவரத்துக் கழக வெள்ளை நிற பெயர் பலகை கொண்ட நகர
பஸ்களில் குறைந்த கட்டணம் ரூ. 2 எனவும், மஞ்சள் நிற பெயர் பலகை கொண்ட
பஸ்களில் ரூ. 2.50 எனவும் கட்டணம் வசூலிக்கப்பட்டு வந்தது.
தற்போது நகர பஸ்களில் வெள்ளை நிற பெயர் பலகையை மாற்றிவிட்டு மஞ்சள் நிற
பெயர் பலகை வைத்து குறைந்த கட்டணமாக ரூ. 3 வசூலிக்கப்பட்டு வருகிறது. மேலும் சில பஸ்களில் டி.எஸ்.எஸ். என துணைப் பெயர் சேர்த்து அதிக கட்டணம் வசூலிக்கப்பட்டு வருகிறது. குறிப்பாக
மார்த்தாண்டத்தில் இருந்து கொல்லங்கோடு, வள்ளவிளை, தூத்தூர், இரயுமன்துறை
உள்ளிட்ட மீனவக் கிராமங்களுக்குச் செல்லும் பேருந்துகளில் மஞ்சள் நிற
பெயர் பலகையை வைத்தும், சில பஸ்களில் புதுப் பெயர்கள் வைத்தும் அதிக
கட்டணம் வசூலிக்கப்படுகிறது. பஸ் கட்டணம் உயர்த்தவில்லை என அரசு
அறிவித்து வரும் நிலையில், போக்குவரத்துத் துறை அதிகாரிகள் மறைமுகமாக
கட்டணத்தை உயர்த்தி வசூலித்து, சிறுபான்மை மக்களை ஏமாற்றுவது
கண்டிக்கத்தக்கதாகும். எனவே அரசு பஸ்களில் அதிக கட்டணம் வசூலிப்பதை
உடனே தடுத்து நிறுத்தி, குறைந்த கட்டணத்தில் பொதுமக்கள் பயணம் செய்ய
நடவடிக்கை எடுக்க வேண்டும். மேலும், இந்நிலை தொடர்ந்தால் பல்வேறு போராட்டங்கள் நடைபெறும் என்றார் அவர்.

அரசு பஸ்களில் கூடுதல் கட்டணம்: அதிமுக கண்டனம்

அரசு பஸ்களில் கூடுதல் கட்டணம்: அதிமுக கண்டனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக